السلام عليكم أيها الكرام

أحب اعرفكم بنفسي، ولي الشرف بأن نكون معكم:

في البداية أنا مش عارف الإسم الحقيقي مصرح بيه هنا ولا لأ، علي العموم هانقوله أنا إسمي الحقيقي(سامح عسكر) ولو المدرسين أقصد المعلمين شايفين حاجة تانية إحنا تحت أمرهم يشيلوا الإسم مش مشكلة

السن/ 32 سنة
الحالة الإحتماعية/ متزوج وأعول ثلاثة أبناء عبدالرحمن(6سنوات) وصلاح الدين(4سنوات) وجهاد-بنت-(عامين)
المهنة/ فني في مصنع أدوية، ومدون وناشط ألكتروني، وصحفي في موقع جيل أكتوبر التابع لإخوان 6اكتوبر، وبفضل الله كاتب مستقل، وباحث شرعي عن أصل المعارف.

عجبتني بساطة القهوة ومصطلحاتها، بحس فيها إني عايش في مصر فعلا مش في الخليج، أشعر إن هنا نبض الشارع المصري الحقيقي، طبعا وفيه مواقع تانية، ولكن بما أننا نبحث عن أصل المعارف فبحثنا عن هذا الموقع ووجدناه...

أنا مش عايز ترحبوا بيا لأن الترحيب جيه متأخر ، معلش مسجل معاكم بقالي شهرين، ولكن نعمل ايه بقي ظروف الثورة وكل سنة وانتم طيبين ، اعذرونا احنا مش متعودين نخلع رئيس كل شوية، ولكن نوعدكم الرئيس الجاي هانكون معاكم ومش هانسيبكم..

أخوكم/ أبو عبدالرحمن