يا مصر .. دول نسيوا انى ابن لحتشبسوت
يامصر
إصحى يا بنتى وإصحى ياولدى
إصحى يا إبنى بيسجنوا كبدى
سجنوا الصحفى وضايع مجدى
حبسوا القاضى ضميرى وسندى
دول نسيوا انى ابن لحتشبسوت
وانى ضمير عمرى ما حموت
وضميرى ما يقبلـش سـكوت
حتى ولو مسـجـون فى تابوت
حاولوا كثير ينسونى انى
إننا توأم .. ســنك ســنى
وان انا منك ، وانك منى
وان انا حلمك وانك حلمى
شهادة ميلادنا ماضيها مينا
وحنة راسـنا تراب سـينا
ومهما ها يبعدونى عـنها
رملة سينا كحل عينينا
ومهما زاد ظـلمه عـلينا
اوعاك تركع له يا قاضينا
هايحميك ربنا وهايحمينا
وتعيش منصور بينا ولينا
دا عدلك من اسماء الله
وحاشا يضيعوا اسم الله
احكم يا قاضى بعدل الله
على زميلك والدوام لله
جمال جابر خليل
رد مع اقتباس
المفضلات