كسر قلبي.......... و تركه جريح
و تركنى وحيدا ........في مهب الريح
انا ريتاج عندى 22 سنه في كليه الاداب كل الناس بيقولوا انى من اجمل الجميلات بس ميهمنيش رأى اى حد
انهاردة اول يوم في السنه الجديدة رحت الجامعه قبلت رودينا
قلت/ازيك يا رودى ,عامله اية؟
رودينا/كويسه الحمد لله ,و انتى عامله ايه؟
ريتاج/وحشتينى اوى
رودينا/وانتى كمان يا جوجو
ريتاج/عاملتى ايه في الاجازة بقي احكيلى
رودينا/هحكيلك بعدين علينا محاضرة دلوقتى
ريتاج/ماشي يلا بينا
و اعرفكم علي رودينا صاحبتى من ابتدائى بحبها جدا و احنا الاتنين متفاقين جدا لدرجة اختيارنا لنفس الكليه.
دخلنا المحاضرة بس مفهمتش اي حاجة لان كريم كان قاعد جنبي
(اعرفكم عليه /زميلى في الكليه, بحبه اوى و نفسي يكون ليا ,.........لكن هوا مش عايز اى حاجة غير انه يتسلى و يتمتع بحياته مع اكتر من واحدة , اد ايه بتمنى انه يحبنى و ميشوفش واحدة غيري في الدنيا بحبه و بعشقه يا ريت يعرف اد ايه انا بحبه و يقدر حبي ليه )
نرجع تانى للقصه, معرفتش اركز في المحاضرة خالص مركزة عليه هو و بس و مبفكرش غير فيه و بس و خلصت المحاضرة من غير ما احس و خرجنا انا و رودينا من المدرج و لقيت كريم جاى عليا كنت فرحانه و خايفه و متوترة و قرب منى جدا لحد ما بقي قدامى بظبط
قال/ازيك يا ريتاج ؟
قلت بكسوف/الحمد.......لله
كريم/وازيك يا رودينا ؟
رودينا/الحمد لله
كريم/ريتاج ممكن نتكلم لوحدنا شويه
(عايز يكلمنى لوحدى..!!!اوافق و لا اعمل ايه .........استر يا رب )
ريتاج/ما......ما.....ماشي ,عن اذنك يا رودينا
رودينا بخبث/اتفضلوا
رحنا عند الكافيه و هناك
قال كريم/ريتاج ..ممكن اعرف رايك فيا
ريتاج /(بحبك) من حيث ايه ؟
كريم/من حيث كل حاجة
ريتاج/عادى يعنى
كريم/انا عارف انك شايفة انى بتاع بنات و فاشل و صايع بس انا غير كدة و الله و نفسي اتغير والله
(هو بيقول كدة ليه يكونش بي......لا طبعا...و ليه لا طبعا .........عشان دة ميعرفش يعنى ايه حب......لا دة طيب اوى.........والله .....ايوة اسكتى بقي )
كريم/ ريتاج رحتى فين ؟
ريتاج/ها ........لا ابدا بس انت مش تعرف انا رايك فيك ايه
كريم/يعنى انتى رايك فيا غير كدة؟
ريتاج/ انا شايفه انك ممكن تتغير
كريم/ايوة بجد انا نفسي اتغير عشان حبيبتى
ريتاج/(نعم .......حبيبتك) ربنا ....معاك
كريم/ريتاج.......انا ......انا بحبك
(بجد يا كريم بجد...........اكيد بيكدب ..........لا شكله صادق .........يا بنتى انتى مش شايفه تصرفاته ........لا شكله فعلا ناوى يتغير)
كريم/ريتاج ارجوكى ردى عليا
مكنتش عارفه ارد اقول ايه بس نفسي اقوله بحبك اوى
كريم/ريتاج ريحنى بالله عليكى
ريتاج/و انا كمان
كريم بفرحه/و انتى كمان ايه؟
ريتاج/ كفايه كدة بقي
كريم/بحبك اوى يا ريتاج
(يا لهوووى .......هقع من طولي يا وله حد يلحقنى )
ريتاج/انت بجد بتحبنى يا كريم ؟
كريم/بحبك و بمووت فيكى و بعشقك يا كل حاجة ليا
ريتاج/يعنى مش هتبص لوحدة غيري ابدا
كريم/ابدا ابدا
(شفتى بقي .......اكيد بيكدب .......لا بيحبنى انا متاكدة )
و عديت الايام و كل يوم حبي لكريم بيزيد عن الي قبله مبقتش اقدر استغنى عنه ابدا و هو مش بقي يكلم اى واحدة غيري انا و بس و مبقاش ليا غيره في الدنيا
و في كنت في الجامعه و كنت بدور علي كريم و لقيت اياد جاي عليا و لما وصل عندى
قال/ازيك ؟
رديت بقرف /كويسه
اياد/ انا عايز اقولك حاجة مهمه
ريتاج/ها......قول
اياد/انتى لازم تبعدى عن كريم دة صدقينى دة بيلعب بيكى
ريتاج/ماشي حاجة تانية
اياد/صدقينى دة بيلعب بيكى يا ريتاج
ريتاج/ممكن تسبنى في حالي و ملكش دعوة بيا
اياد/حاضر بس فكرى في الي قولتهولك و اعرفى انى حذرتك
و فجاة شفت كريم جاى علينا اتعصب اوى لما شفنى وقفه معاه
وقال/عايز ايه يا اياد؟؟
اياد/هو انا كنت و جهتلك كلام
كريم/كل حاجة تخص ريتاج تخصنى
اياد/انت كداب و بتلعب بيها و انا خايف عليها منك
اتنرفز كريم جدا و مسك اياد من قميصه
قاله/ابعد عنها و مالكش دعوة بيها نهائى
شال اياد ايد كريم من عليه بعصبيه
وقال/ماشي يا كريم هتشوف
مشي اياد من ادمنا و كريم بصلي بنظرة عتاب و ادانى دهره ,فرحت وقفت في وشه
و قلت /وحيتى عندك متزعلش يا كريم والله هو الي جاه و وقفنى
كريم بحنيه/انتى عارفه انى بغير عليكى من الهوا الطاير لو سمحتى متقفيش مع الواد دة تانى و لا اى واحد غيري
ريتاج/حاضر يا روحى
فضل حبي لكريم يزيد يوم بعد يوم لكنه اتغير اوى معايا و بقي يتخانق معايا علي طول و بقيت احس انه مش طايقنى مش عارفة ليه مع انى بحاول مش ازعله ابدا ,بس مش عارفه اعمل ايه عشان ارجعه زى الاول فرحت لرودينا في بيتها و قعدت معاها شويه
و قالتلى/مالك يا جوجو مضايقه كدة ليه
ريتاج/حكتلها علي الي بيحصل مع كريم و قلت مش عارفه اعمل ايه عشان ميزعلش منى
رودينا/عادى يا بنتى يمكن في حاجة مضايقها و بس
ريتاج/طيب يقولى يمكن اساعده و اشيل عنه شويه
رودينا/ان شاء هيقولك علي كل حاجة بس انتى بس سيبيه شويه كدة يهدى مع نفسه
ريتاج /اسيبه ازاى مقدرش يا رودينا مقدرش ابعد عنه ابدا
رودينا /يا سلام علي الحب يا ولاد
قمت روحت البيت بعد ما قعدت عند رودينا شويه حاولت انام لكن معرفتش كنت قلقانه اوى مش عارفه ليه ........لحد الصبح صحيت رحت الكليه قعدت ادور علي كريم لحد ما لقيته بس ...........بس لقيته قاعد مع ......مع رودينا .....كانوا قاعدين جنب بعد و كان ماسك ايدها و بيضحكوا سوا ........حسيت ان قلبي بيتقطع بس قربت منهم شويه سمعتهم كان بيقولها" بحبك"زى ما كان بيقولهلى حسيت ان الدنيا بتلف بيا و انى هقع من طولي و كنت فعلا خلاص هقع بس لقيت اياد جنبي مسكنى قبل ما قع علي الارض وقعدنى علي كرسي
وقال /ولا يهمك اى حاجة استريحى
مكنتشقادرة اتكلم ولا انطق باى حرف لكن عرفت انىى فضلت انى اكون ولا حاجة علي انى اكون كل حاجة بس اتاخرت علي بال ما فهمت