بسم الله الرحمن الرحيم

الحمد لله والصلاه والسلام علي سيدنا رسول الله

ازيكم يا شباب ,, مش هطول في المقدمه لان الموضوع لا يحتمل اي مقدمات

طبعا كلنا شايفين ولامسين ومدركين ان مستوي ابو تريكه نزل بدرجه كبيره في الموسم الاخير

انا ليا وجهة نظر متواضعه احب اقولها وتشاركوني فيها

كل الناس بتتكلم علي اعتزال ابو تريكه في الموسم ده تعالو الاول نبص ليه هبط مستوي تريكه

في الخمس مواسم الاخيره تعالو نشوف تشكيل الاهلي

عماد متعب .. فلافيو .. بركات .. جلبرتو .. والمرحوم عبدالوهاب .. وطبعا الشاطر .. احمد فتحي .. الخ

الهجوم في اي فريق مش بيقتصر علي راس الحربه وبس لا باقي الفريق بيخدم عليهم

زمان ابو تريكه كان بياخد الكوره يبص يمينه يلاقي متعب شماله يلاقي فلافيو جنبه بركات ع الونج يا اسلام يا جلبرتو

ودي وظيفه ابو تريكه انه يشغل الفريق

لكن مع عدم وجود الناس الي ابو تريكه مفروض بيشغلهم هو دلوقتي مطلوب منه يقوم بكل الادوار

عايزين نشوف منه لمسات حلوه ويعمل كورتين تلاته للمهاجمين يجيبو اجوان

وبما انهم مش بيجيبو اجوان مطلوب منه يروح يجيب هو الاجوان وكمان يلعب الفاولات وكلها تيجي اجوان

فوق كل ده الحمل والضغط العصبي الي عامله عليه الاعلام السئ الي للاسف دخل فيه الي بيفهم والي مش بيفهم

مين هداف الفريق ؟؟ ابو تريكه

مين عمل اللمسه في الماتش الاخير الي جه منها الجون ؟؟ ابو تريكه

مين صاحب اخطر كوره رأسيه الي شالها الشناوي ؟؟ ابو تريكه

انا مش عارف نفسي حد يقولي مطلوب منه يعمل ايه اكتر من انه بيصنع اهداف

وانه هداف الفريق ..

الي بيتكلمو عن لياقة ابو تريكه

من امتي ابو تريكه كان بينزل يدافع غير الموسم ده ابو تريكه كان دايما مبيعديش نص الملعب

المشكله عند ابو تريكه وانا واثق ان شاء الله انها هتتحل قريب الضغط العصبي الكبير عليه

وياريت نرجع بالذاكره بعد الهدف الي جابه الماتش الي فات ونشوف لمساته

الحكايه كلها ضغط عصبي وان شاء الله هيرجع تريكه وهتخرص السنه الي بيطالبوه بالاعتزال

كان في دماغي كلام كتير بس مش عايز اطول علشان الناس تقري الموضوع متمرش مرور الكرام

وياريت في الاخر اي حد يرد يقولي رأيه ان ابو تريكه يعتزل وهو هداف الفريق ب سبع اهداف

وهو مش مهاجم صريح في حين ان مهاجم متصدر الدوري احمد حعفر ليه بس 5 اهداف

اي عقل واي منطق يقول كده

ارحمونا .. النجم الكبير ده مش كل يوم هيتولد ابو تريكه

واحنا جمهور الاهلي راضي بيه في اي حال ولا عزاء للحاقدين

~