خبير الحب بيعلم
راجل خبير في دنيا الحب والحريم
طرطق ودانك واسمعوا انتى وهو
بيقول سلاسل دهب عمرو الحكيم
خد لك منه سلسلة وهي دي الأخوة
يالى تحب انك تحب
حاسب كيد بنات الخلايق
دا كيد النسا خلاك تهب
وجاعد حزين ومضايق
الحب في النت من الاحلام
والحلم ماتملك تحكم فيه
حاول تعيشه والسلام
بس ماتشبع قلبك ولا ترويه
اوعاك تفكر ان دول احباب
او حتى حبك انت صادق فيه
ورا كل صوت الف شباك وباب
وحدود بحور جبال الرمل ماليه
أوعاك تفكر نفسك ابو زيد
ولا عنترة ابن شداد تعشق
ها تكتب مش ها تمسك أيد
والميه لو فيها الهوا تشرق
على قلبك حط قفل حديد
بمفتاح دهب ملك أيدك
مع كل شمس ألف حب جديد
طلع قديم وحط حب يفيدك
نقى الى عقلها واعي ومثقفة
حبها من بعيد لبعيد تفضل قريب
وعيش حياتك وما تجعلها متوقفة
وما تكنش وسط أهل بيتك راجل غريب
و انتى يا بنت الناس أياكي في حب المراسلة تقعي
ده عبارة عن مضاد حيوي أو فيتامين
كتر الأحبة فيكي يخلى قلبك يلوي
وما يعجبك حد وتعنسي شهور وسنين
يا ما صوت جميل والنبرة نبرة أمير
طلع ورا الصوت ذئب وخسيس
والحلوة صوتها جميل ونغمه خطير
وبلعبها بالقلوب ميت ألف قلب تعيس
يالى هويت العشق بالمعلقة
العشق ما ينفع أبدا كدا
تعال مدرسة الحب والمعشقة
أسمع كلامي و يالا لبي الندا
رد مع اقتباس
المشاركة الأصلية كتبت بواسطة fagrmasr01
المفضلات