السنة دى هتبقى بداية سنة جديده


لخالد طالب فى كلية الحقوق اخر سنة ليه وعايز ينجح بتقدير بس يا ترى هيقدر هنعرف

وكمان يمنى بنوتة دلوعة اوى صافية فى كل حاجة قلبها صافى ووشها صافى حتى كلامها تحسوه كلام طالع من قلب ابيض لا فيه لف ولا دورانودى بقى فى سنة تانية

ودينا بنوتة عسولة بس تصرفاتها طايشة شوية وبرده قد يمنى

وكمان منى هنعرفها بعدين

وطارق روميو الكلية البنات بتموت فيه وهو مبسوط بس نفسه ف بنت تطلعه من اللى هوه فيه ده

وهنتعرف على باقى الشخصيات واحنا ماشيين


نشوف اول يوم بقى

يمنى ودينا اصحاب اتعرفوا ع بعض السنة اللى فاتت ومن ساعتها وهما اصحاب

يمنى : هاى دينا ازيك وحشتينى يا بت فينك
دينا : وانتى اكتر والله انا اهو موجوده بس فى حاجات حصلت كده هبقى اقولك عليها بعدين المهم انتى ايه اخباراتك عندك جديد ولا لسه
يمنى : لا جديد ولا قديم هيا دى الحياه ههههههههه روتين فى روتين
دينا : ههههههه ماشى يا بتاعه الروتين بصى بصى شايفه البنت اللى واقف لوحدها دى تيجى نشوفها
يمنى:واحنا مالنا يا دينا
دينا : تعالى بس مش هنخسر حاجة وشدتها من ايديها
دينا : السلام عليكم
منى : وعليكم السلام ورحمه الله وبركاته
دينا : انا دينا ودى يمنى وانتى ؟
منى : انا منى سنة تانية اداب
دينا : ايه ده زيننا يعنى بس احنا اول مره نشوفك مش كده يا يمنى
يمنى : اها صح يا دينا بينها وبين نفسها ( البنت دى انا مش مرتحالها منك لله يا دينا لازم يعنى نروحلها )
منى : اه فعلا انا لسه محولة جديد كنت ف القاهرة وحصلت شوية ظروف وجيت هنا ومش عارفه اى حد خالص
دينا : اوك يا جميل تعالى ابقى صاحبتنا
منى: انا مش عارفه بجد اشكرك ازاى وان شاء الله نبقى اصحاب جامدين
يمنى : ان شاء الله يلا بينا بقى نشوف الجدول واذا كان ورانا محاضرة ولا لا
دينا ومنى : اوك يلا بينا

ف الوقت اللى البنات فيه راحو عند الجدول كان موجود هناك شله طارق وكان واقف بيسلم عليهم خالد ساعتها

طارق : ازيك ياواااااااااااد عامل ايه يلا
خالد : الحمد لله يا طارق انت اخبارك واخبارك ايه مع البنات اللى انت مغلبهم
طارق : وانا مالى يا خويا هما اللى بيجروا ورايا ....... طب بص ال3 بنات اللى هناك دول انا اول مره اعرفهم
خالد : ايه يا بنى انت مش بتسيب حد ف حاله
طارق : لا مش بسيب انا هروح اشوفهم واجى
وراحلهم طارق
طارق : السلام عليكم
دينا : وعليكم السلام ومنى ويمنى مخضوضين
طارق : انا طارق رابعه حقوق نتعرف ممكن
منى : انا منى تانية اداب
يمنى مش بترد وهو متنح ليها
ولما ردت قالت انا مبتعرفش وبتكلم البنات مش يلا بقى

دينا قالتلهم يلا ومنى متغاظة بس مشيو معاها
وخالد عجبه رد فعل يمنى جدا ودخلت دماغه واحتار يكلمها ازاى !!!!!!!
وبعد الموقف ده منى اعجبت بطارق وسيم وشيك وذوق ولبق وهنشوف هيبقى اعجاب ولا هيتقلب لحاجة تانية
منى : فى ايه يا يمنى اللى عملتيه ده احرجيته
يمنى : اصلك مش تعرفيه يا منى انتى لسه جديده ده هنا كل شوية بيتسلى على بنت ومقضيها وعايش حياته وللاسف البنات بتقع فيه
دينا: عندك حق يا يمنى
منى : طب وفيها ايه يعنى هو هياكلونا كنا نتكلم المره دى وبعد كده لا
يمنى : يا بنتى هنا المنيا يعنى اخلاق وطباع الصعايده يعنى مش ينفع بنت تقف تضحك مع ولد من غير سبب وما بالك بقى بولد مسمع للكليات كلها
منى بعدم اقتناع : طيب
وقضوا اليوم عادى جدا ويوم ورا يوم بيبقوا ال3 اصحاب بس منى ويمنى مش اوى يعنى وطول الايام اللى فاتت طارق عاوز يوصل ليمنى ومنى بتتعلق بطارق يوم عن يوم ومتابعاه بعنيها ع طول
يا ترى الايام الجاية مخبيه ايه
ونشوف يوم تانى من حياتهم
يمنى : اووف كانت محاضرة غلسة بطريقة ومفهمتش منها اى حاجة
دينا : اه ولا الدكتور تنك تناااااااااااااكة
منى ساكتة وبتدور بعنيها على طارق
ومره واحده
دينا : ااااااااااااااااااااااااااااااااااااه
يمنى : ديناااااا .................. الحقينى يا منى .

.
.
.
.
.
.
.
.
.
.
.
..
.

..
.


ونكمل الحلقة الجاية
ومستنية النقد لان دى اول قصة ليا