ازيكم كلكم يا احلي قراء و احلي كتاب فيكي يا جمهوريه:clap_1:

انا فكرتي النهارده مجنونه بس عيزاكوا واحده واحده كده اولا تسمعوني

ثانيا تساعدوني كلكوا في تنفيذها

و قبل ما حد يخرج من هنا يقولي معاكي يا نور و الا :ag:

الفكره عباره عن اتفاق هنتفقه كلنا و ننفذه

انا واثقه و متأكده بنسبه مليون و 3000 و نص في الميه ان كل واحد من اللي بيقري و متابع قصه او اتنين او حتي كل القصص اللي هنا

عنده موهبه التأليف و مستني عفركوش يطلع من الفانوس يقوله اكتب يا معلم انا هساعدك بكل اللي هتحتاجه

اهه انا بقي قررت اتقمص دور عفركوش

و اشجعكوا كلكوا علي الكتابه

 لايق عليا ؟؟:crazy:




شوفوا بقي انا لا هتكلم فصحي و لا هلف و ادور

هدخل في الموضوع بسرعه

باختصار كده انا شايفه في كل واحد فيكوا موهبه التأليف

اللي متابع قصه و بيحاول يتوقع الحلقه الجايه هتكون ايه مليون في الميه يقدر يكتب





اللي بيحب اسلوب معين لكاتب معين صدقوني هو ده الاسلوب اللي بيتمني يكتب بيه





اللي عاوز البطله تسيب ده و تروح لده اكيد بينه و بين نفسه بيقول انا لو كنت مكان المؤلف ده كنت عملت كده



مش صح كلامي و لا ايه ؟؟

فكرتي بقي اني هفتح توبيك هنا هسميه اي اسم مش موضوعنا الاسم ده دلوقتي

المهم التوبيك ده هيكون خاص بكل واحد بيدخل الركن ده


اقولكوا ازاي

كل واحد هيشترك معايا في فكرتي هيكتبلنا قصه جوه التوبيك ده

و كلنا هنشجعه

و انا مسئوليتي هتكون اني اساعده اي مساعده هيحتاجها حتي لو طلب مني فكره القصه كلها المهم انه يكتب و يمتعنا باسلوبه و طريقته

لو واحد فيكوا عنده مقدمه لقصه و مش عارف يكمل يقولي و نفكر سوي في تكمله ليها

اللي عنده احداث معينه و مش عارف يبدأ منين يقولي و برده نفكر سوي في مقدمه

عارفه ان كتير منكوا لسه مكملوش عدد المشاركات اللي يسمح باننا نتواصل سوي

المشكله دي انا لاقتلها حل
هعمل اميل خاص بيكوا و بس للتواصل عشان الموضوع ده و اي حد عاوزه يطلبه مني في توبيك الشات ده و انا هديهوله و نبتدي نفكر سوي و نتعاون عشان نبني قصه جميله تمتعنا كلنا

http://www.3gypt.com/vb/thread272256.html


كمان اللي يحب من مؤلفينا الكرام يتعاون معايا في الفكره دي و يساعدني ابقي شاكره ليه جدااا و هيكون معاه باص ورد الاميل يقدر يتواصل برده مع اللي هيشترك معانا


فكره تانيه اختياريه اللي هيشترك يقولي رايه فيها و هناخد راي الاغلبيه

في التوبيك اللي هنفتحه انا ممكن انزل اسماء ابطال معينين بوظايفهم او دراستهم و سنهم و كمان البلد اللي موجودين فيها

و نعملها زي حلقات منفصله كل واحد يتخيل الابطال دول في وضع او في قصه معينه و يكتبلنا قصه عنهم

سواء كوميدي ... رومانسي ... اكشن ... اجتماعيه... الخ

يعني اللي تحبوه و تلاقوا نفسكوا فيه

و من فتره للتانيه هنغير الابطال او اللي كتب مره المره الجايه يختار هو بقي و ينفذ بره التوبيك لانه هيبقي مجرد بدايه لقصص تانيه خاصه بينا في توبيك لوحدينا

دي فكره هنفذها بس لو ايدتوها و حبتوها

لو حبيتوا تكونوا حرين في اختياراتكم لابطالكم انا معنديش اي مانع






كمان من فتره للتانيه هتلاقوني بنزل معاكوا قصص جوه التوبيك و كل اسبوع هستضيف كاتب بيكتب فعلا يكتبلنا قصه

يارب اكون قدرت اوضح الفكره

و عايزه كل الناس اللي متابعه القصص هنا تقول


معااااااااااااااااااااااااااااااااكي

مع العلم ان لسه في افكار و اقتراحات تانيه للموضوع ده بس هنبدأ بالحاجات دي دلوقتي

مستنياكوا كلكوا







نور القمر