ايـــام ما يعلــم بيهـــا الا ربنــــا




لماذا يتزوج الرجل ...
ولماذا تقبل المرأه الزواج من الرجل ...



يتزوج الرجل غالبا ... لـ ان يستقر ... ويعف نفسه ويشبع رغبه بالحلال ..


وتقبل المرأه الزواج منه ... لتعيش واقع وردى ... وتنعم بلحظات الحب التى طالما حلمت بها ...

وهذا غالبا وليس عموما ..



واليكم مقدمة قصتى الجديد ...ايام ما يعلم بيها الا ربنا ..




عمرك ... حبيت قبل كده ؟؟
سؤال ... متمناش اسمعه منك تانى


***
**
*
سكت عن الكلام ومابين حاجبيه اترسم رقم 11 ..
وترك بصمة حيره جوايا ....
اول مره اشوفه فيها مضايق من سؤال طرحته عليه .....

مكنتش اقدر اقوله ليه .... وانك كده اثرت الشك جوايا ...
مقدرتشي ...
لانه ... صعب ..
زى طبعه الصعب ..



***
**
*

الراجل اما بيتجوز ... بيبقى زى الاسد فى عرينه ...
هو الآمر الناهى ... وكلمة " حاضر " هى النغمه الحلوه الى بتفضلها تسمعها اذنه ..
والمرأه اما بتدخل عرين الاسد ... هى المهرم الى بيطرى حياته ...
هى السفنجه الى بتمتص غضبه ...
هى الوساده الى بيترمى فى حضنها وقت تعبه ...


****
***
**
*
مش عارفه ليه .... الحياه مابينا قبل الجواز ... كانت بمبي فى بمبي على رأي الست سعاد حسنى ...

انما بعد الجواز بقت لونها مايل للبنفسجى ...
والحب طعمه بقا مختلف عما كنا مخطوبين ...
ولمسة ايدك مبقاش يوصل احساسها لقلبي ...
وكلمة بحبك الى كنت بشوفها فى عيونك قبل ما ينطقها لسانك ...
بقت عليها غيامه ...
واشتاقت لها مسامعى ...


****
***
**

الست احيانا بتكون اغبى كائن على وش الارض ...
مش شايفه غير اوهام ... وتجاهلت عيونها المسؤليه ...
وعاشت الحلم الوردى .. ونسيت روحها ...
احنا على ارض الواقع ...
والحب ... مش زى الافلام .. البطله ورا البطل على فيسبا حضناه وهو طاير...
الحب تقدير ... وصبر ... ومسانده ...



***
**
*

الحب لايتغير طعمه ولا لونه ... ولا احساسه مهما مرت بيه الايام ...
لكن حبك ليا ...
اتأثر بمرور الايام ...
وادفن تحت الغبار ...
واخدته منك المسؤليه بزياده عن حقها ...
كأنك اما صدقت ... تنشغل عنى ...


لكن .. هقولك ايه ... غير ان قلبي لسه بيهتف بحبك ..

***
**
*



 بتحمل المسؤليه لانى بحبك ... والحب يفرد عليا وعليكى المسؤليه ... لان من يحب .. يحب الى من يحب الحياه الهنيئه ...
والهناء يأتى بعد عناء ..
والعناء يمحى بالصبر ..
والصبر ... نتحمله لاننا نحب ..
ومن نحب ... يجب ان يهون علينا الصعاب ...
هونى علي ... ياحبيبتى



اتمنى تكون فكرة القصه واضحه ...
انا لسه مكتبتش ولا حرف ... محتاجه تشجيع ...


وقبل ما اعتمد الموضوع ..
عاوزه اقولكم ملحوظه هامه ...
القصه بكل ما فيها من حرف ... لا تنسب ابدا الى حياتى الشخصيه ...
وانما فكرتها من نسيج خيالى ونظرتى للمجتمع الى عايشين فيه ..

اللهم بلغت ..