السلام عليكم ورحمه الله وبركاته
~~
بسم الله والصلاة والسلام على رسول الله
الحمد لله وكفى وصلاة وسلاما على عباده الذين اصطفى ثم اما بعد.
~~
بصراحه فى البدايهـ .. كنت خارجه انهارده يعنى من شويه تقريبا
~~
وركبت تاكســــــى ,,
لانه تقريبا العربيه بتاعتى كانت عطلت ,,

لفت انتباهى حاجه .. سواق التاكسى كان مشغل
اغنيه وكان مركز فيها اوى ..

أسمها انا مش عارف اتغيير
طبعا كلنا بنقول الجمله دى ..
وده موضوعـى أنهارده اللى هتكلم فيه
يعتبر الموضوع ده فضفضه يعنى نقاش لينا كلنا ..


انا مش عارف اتغير كل ما اقول هتغير
تحصل حاجه ترجعني عن كل اللي انا ناويه

كل ماقول انا هبداً اعيش حياتي بمبدأ ارجع واضعف تاني


ومش بس انا بضعف اوي

الاغنية دي بتوصف الحالة دي جداً


وأحنا كدة عشان احنا ضعفاء فعلا كلنا ضعفاء ودايما بنبص للمووت على انه حاجة بعيدة عننا


رغم انه مهما عيشنا طول حياتنا الموت قريب جدا


لينا بس مبنتيقنش من الموضوع دة غير لما بنشوفه بعنينا لما حد قريب مننا كان معانا كل يوم وبنشوفه


وبيشوفنا وعايش وسطنا ومرة واحدة منلاقيهوش معانا ومش راجع تاني ساعتها بنفوق بس وقت ما بننسى


بترجع ريما لعادتها القديمة ونرجع تاني نعيش في الظلام


اللى احنا عايشين فيه طول حياتنا طيب هتسأليني وتقوليلي ايه الحل المشكلة اننا كلنا عارفين الحل بس مش قادرين نلتزم بيه طيب ليه ؟؟


ليه منحاولش نلتزم ونحاسب نفسنا قبل ما يجي الوقت وربنا يحاسبنا ؟؟ عشان احنا ضعفاء ايوة ضعفاء بس برضو كل الناس الملتزمة


والمتدينة بني ادمين زي زيك وزي كل الناس ليه مبقاش زيهم ؟؟


منحاول نبعد شوية عن سيئاتنا ونطيع ربنا بأحسن صورة او حتى نطيعه على قدر المستطاع وشوية شوية نقدر نستمر على الطاعة دي وننميها اكتر واكتر لغاية ما نمحي ذنوبنا بالتدريج ...





لو كل واحد مننا راعي ربنا واتقاه بجد بجد هيقدر يكمل وهو مبداً واحد والله لو عيشنا كلنا عليه هنبقى دايما قريبين من


ربنا ومش هنرجع تاني والمبداً دة اني احب لأخي ما احبه لنفسي يعني لو كل شاب بيبص على بنات في الشارع اعتبر ان البنت دي اخته او تخيل ولو للحظة انها اخته فعلا


عمره ما هيقبل ان حد يبص عليها او يدايقها او يعاكسها بالتالي عمره ما هيعمل هو كدة لو تخيل للحظة واحدة بس ان كل الشباب اللى زيه اخواته وكل البنات اخواته وكل الاهالي اهله


ومشي في حياته بالمبدأ دة بجد والله عمره ما هيرجع تاني وهيفضل ثابت في التقرب لله اكتر واكتر الحل اننا نتقي الله


في كل كبيرة وصغيرة وندرك ان الموت مهما كنا متخيلين انه بعيد عننا قريب اوي مننا وممكن بعد لحظة يأذن الله ان حياتك تنتهي ساعتها ايه في ايدك تعمله للأسف مفيش في ايدك


حاجة تعملها بعد فوات الاوان بس انت دلوقتي لسة قدامك الفرصة اغتنمها ومتسيبهاش تضيع منك مقابل شوية


رغبات ملهاش اي لازمة غير انها بتبعدك عن ربك وبتزوك ذنوبك ولو كل بنت برضو مشيت على نفس المبدأ دة عمرها ما هتغضب ربها لو ادركت نعمة العفة عمرها ما هتلبس


ديق ولا عريان ولا هتمشي تتعرف على فلان وعلى علان


تراعي ربنا في نفسها وفي اهلها وتتيقن انها بكدة ربنا هيجازيها كل خير في الدنيا هيرزقها بالزوج الصالح ليها اللى


تعيش معاه بقيت حياتها سعيدة وراضية وفي الاخرة مغفرة ورحمة ونعيييييييييم بس هي المشكلة في اننا نتيقن


بكدة انا عارف ان كلنا مؤمنين بالله وموحدين بيه وعارفين ان الموت حق وجاي جاي مفيش مفر لاكن بتاخدنا رغباتنا وبتقودنا لطريق ظالم لازم نكون اقوى من كدة واحنا اللى نتحكم في رغابتنا ونغيرها واحنا اللى نقودها للطريق الصح طريق النور


~~

تابعــــــــــــونى