سلام الله عليكم و رحمته و بركاته

ضاعت الكورة ضاعت ...

ياما سمعت عصام الشوال بيقولها و انا بلعب pes 2011

ومركب عليها باتش التعليق العربي للشوال

ومع اني كنت بعمل كل حاجه صح و تمام ... بدافع و بهاجم بس للاسف

اجي عند الجون ... و يبقي القرار الصعب ... اركن ولا اشوط دايركت في الشبكه

ولا اعملها لوب للجون

كان القرار بيبقي في منتهي الخطورة و الصعوبة ... و كانت اغلب تقديراتي

شبه خاطئه ... و كان دايما الشوال قارفني بضاعت الكورة ضاعت


للاسف .... وللاسف الشديد .... و للاسف شديد الشديد كمان

وزود في شديد دي علي قد ما تقدر

ان الثورة هي كمان ضاعت

رغم اننا عملنا كل حاجه صح

دافعنا كويس ....

وباصينا كويس

و ون توهاتك يا معلم كانت عشره ع عشره

وهاجمنا كويس

وكمان خدنا القرار السليم في الوقت السليم

بس للاسف وكما تعودنا دائما

انه تأتي الرياح بما لا تشتهي السفن

ضاعت ثورتنا


واحد قاعد وراااااااا خالص هيقولي ثورتك ضاعت ازاي يا ابو ثورة


هقوله كما قال ابن اخت عبد الحميد في الست كوم الشهير حرمت يا بابا

انتو تعرفوا يعني ايه ثورات ولا عمركو شوفتو ثورات


الثورة لما قامت قالت عيش حرية كرامه انسانيه

انا معاكو في كل الكلام الوردي اللي بيتقال دي فتره و هتعدي ولازم نستحمل


بس كل فتره و ليها مفرداتها و زفتها بنيتها التحتيه - افلام عربي ام الاجنبي -

ومفردات الفتره الحالية و زفتتها بنيتها التحتيه

هي اننا نحاكم و نضرب بيد من حديد علي يد كل من اصاب هذا البلد بالشلل الرباعي

علي مدار 30 سنه فرت


واحد من بعيد بردو و هوا هوا اللي سئل المره اللي فاتت

هيسألني تاني و يقولي

مهي المحاكمات شغاله اهي

وبابا حوس حوس محضر المحكمة راحلو لجد باب الدار و عطي للوليه الاعلان و مردتش تستلمه


هقوم رادد عليه انا و قايله ايه


يا عمنا

انت ناوي تحاكم مبارك بقانون مين ؟؟؟

بقانون مبارك

ولا حلو جو ان المحكمه تروحله لحد باب البيت

دليفري يعني ... و سخنه و زي الفل و طازه كمان

وياسلام بقي لو القاضي مكنش طازه ... يقول ايه بقي ... انا مش محاسب ع القاضي ع فكره

غيره و هاتلي واحد سخن .... دانا دافع يا اخونا


عارفين المشكله فين

المشكله ان ثورتنا اتسرقت من تحت ايدينا و احنا للاسف واقفين نتفرج


لكي ناحكم مبارك يا ساده يا افاضل - حلوة ساده يا افاضل دي -

لابد ولابد ولابد

ان السيد المحترم المشير طنطاوي و اني اري التطبيل كثير جدا

- ع الرغم من الدور القيادي العظيم للمجلس الا ان الطواطؤ بدا ظاهرا وواضح المعالم -

كان عمل ايه بعد التنحي مباشرة

اقامة محكمة عسكرية ثورية

عاجلة جدا

لمحاكمة الرئيس السابق

واحد من بعيد بردوا انا تعبت منه اللي شغال يسأل ده

هيقولي طيب ماحنا هنحاكمه اهو

هقوم رادد عليه انا و قايله ايه

قايله ... تعرف ان محاكمه مبارك بخلاف انها هتم في القصر بتاعه

ليه الحق انه ميحضرش المحاكمه لو الظروف اجبرت ان المحاكمه متتعملش في البيت

ويبقي قاعد في بيته معزز مكرم كدا زي الباشا و القاضي يبعت يقوله المحاكمه خولصت و الحكم اهو

نظبطلك اوضه في القصر تحبس نفسك فيها كام سنه ولا تحب تيجي سجن المزرعه

عندنا شاليهات بتطل ع النيل و تكيفات و دي في دي

وصوفيا لورنت تبات معاك كمان لو حبيت



السؤال الذي يطرح نفسه




لماذا لم تتم محاكمة حبيب العادلي علي مرأي و مسمع من الجميع

ليه قالولنا ان القاضي قال لحبيب العادلي قوم اقف و انت بتكلمني

ليس من قبيل التذنيب ولكن لضرورة المشاركة

هي فين المحاكمه دي يا جدعان

حد شافها و لا سمعنا عنها بس ؟؟؟

وقريناها في الجرايد كدا زي مهيا



ليه متعملش زي ماتعمل مع صدام حسين

وحصلت المحاكمه و تنفيذ الحكم علي مرأي و مسمع من العالم كله


واللي يقرف بقي في الموضوع


ان سجن المزرعه ده

قطعة من باريس


مش سجن

للكبار اللي زي دول


الغريب و الاغرب و الاغرب

ضغوط سعوديه علي المجلس العسكري لعدم محاكمة مبارك

يادي النيله المنيله بنيله

متضغط السعودية .... احنا مالنا

هي لاويه دراعنه بحاجه

ولا ماسكه علينا زله

يا حاجه سعوديه .... شوال الرز اللي بتبعتيه كل شهر بطلي تبعتيه

مش لازمنا


المشكله فين طيب ....

في ايد بتلعب بالشعب المصري

فلول النظام لسه ....... والمشكله انهم مرتبيا كل حاجه تمام قوووووي

وعارفين هما بيعملو ايه كويس جدا



يا جماعه ارجوكم


ادرسو الموضوع كويس

وشوفو حيثيات محاكمة العادلي

قصدي اقروا .... مهي المحاكمات دلوقت بقيت تتقري مش بتتشاف



وخافوا

ان هذا الشعب حمال ... و ان النوق لو صرمت فلم تجدوا لها ولدا و لم تجدوا لها لبنا