-- الزمالك ماشى على طريقة تامر عاشور
اولا: اسفه للزاملكاوية
*
*
*
*
ازيكو يا احلى اعضاء
عاملين ايه
مش مهم دلوقتى
المهم
و انا قاعده مع اصحابى
كان معظم الموجودين زمالكاوية
و قاعديين متضايقين من نفسهم اوى
بس انا موجوده
حبيت ازود الجراح عليهوم شوية
قولتلهوم هو فريقكوا ماشى بطريقة تامر عاشور ولا ايه ؟؟؟؟
قالولى اسكتى انتى بالذات علشان انتى رخمه
طبعا مش معقول اسيبهوم
قولتلوهم كالاتى :
شوفتوا عبد المنصف قال ايه بعد الماتش
سكتوا
قولتلوهم بيسئلوه : ايه اللى حصلك فى لحظة الهدف
قالهوم ( اهى جات كده ومعرفش مالى سيبت روحى و سيبت حالى )
قالولى يا سلام على خفة الدم اللى بتقع منك
قولتلهوم طيب شوفتو بشير التابعى لما اتكلم فى التلفزيون
بردو سكوتوا بس بصولى
قولتلوهم بيسئلوه : احساسك ايه بعد الهدف
قالهوم ( صعب ايوه صعب )
قالولى و ربنا هنضربك
قولتلوهم ايوة ايوة اتشطروا عليا بقه علشان انا لوحدى
قولتلوهم طيب عرفتوا اخر تصريح لعمرو ذكى
سكتوا بردوة و مش بصوا عليا
قولتلهوم بيسئلوه : ايه مشوارك مع الزمالك
قالهوم ( مابقاش ننفع بعضينا نسأل عليهوم تانى بقه كل واحد فينا فى حضن واحد تانى )
مرة و حدة لقيتهوم سابوا اللى فى ايديهم و بيجروا عليا
طبعا (( اذا قلبت بعكننة الجرى نص الجدعنة ))
و كلهم بيقولو فى نفس واحد:
( روح...روح كفاية جروح )
بعد 5 دقايق رجعتلهوم
قولتلوهم شوفتوا اتحاد الكرة عمل ايه للزمالك
يالى بتقوله انه اتحاد فرولة
كله فى نفس واحد : هيكون عمل ايه
انا قولتلوهم
( قال انا بعد كده كل ماتشات الزمالك هتكون 89 دقيقة بس )
و طبعا كالعادة جريت
و حالفوا لو شافونى مش هيسبونى
مع العلم ان الشارع اللى انا ساكنه فيه-تقريبا- كله زمالكاوية
انا الوحيده اللى اهلاويه فيهم
و كل صحابى الاهلوية مش ساكنين جمبى
تانى مره بعتذر لاى حد زعل منى انا بهزر مش اكتر ونادى الزمالك على راسى من فوق
ياريت محدش يزعل انا بهزر والله
المفضلات