يا مصر قومى وهللى
.. فكى الحروف وأتكلمى
.. النهاردة ..ميت شهيد بيزوقوكى..
ميت شهيد بيلبسوكى ..
وميت شهيد بيكلموكى ..
مليون ولد من ولادك بيلضموا سبحة أيدين حوالين الميدان ..
بيفكرونى بثوار زمان ..
يا مصر قومى أتزلزلى ..
يا مصر يالله أتزمزمى وأسمعى صوت الآدان .....
الوحى جاى .. بيزفلك مليون خبر أبنك همام ..
جوه الميدان داير ...معركة .. بين الشباب والتركمان .. كل ده وفيه فرح و فيه عروسة .. بيزوقوها ويشوروها لعريس جدع ..
ماسك سيفه و منتظر .. هنا ف الميدان ..
يا مصر قومى م السكات ..
فيه شباب دايرين بيغنو غنوة أمل ..
يا مصر قومى وشوفى الجنينة طرحه فرح ..
و الورد شابك فى الميدان ..
العبير ريحتة فايحة من زمان ..
المسك عنبر والورود زهر الريحان..
والفل بيلضموه عقد لولى للقمر علشان يبان ..
مهما أحكى الحكاوى مش حا تخلص ولا الكلام ..
يا مصر قومى أستقبلى بشرة حياة لكل البشر ..
فيه مولود جديد بيتولد ..
دعوة فرح من جوة قلبى اللى أنشرح ..
لما شفت ولادك بيسطروا تاريخ جديد ..
هنا ف الميدان ..
دعوة حرة يسمع صداها كل البشر ..
يتعلموا أزاى شبابك بيمد ايده بالسلام..