ارجع ياريس

ارجع يا ريس قبل العيد عشان نعرف نقول عيد مبارك (ما عندناش ريس نقوله عيد مارك)
ارجع يا ريس مش لاقيين اسم لمحطه رمسيس في المترو
ارجع يا ريس... تقريبا نسيت نور الصالون في القصر مفتوح
ارجع لحسن شكلك هيبقي وحش قدام السادات و ناصر لما يسألوك مشيت ازاي؟
...ارجع يا ريس.. وحشنا ابنك جمال (اي والله هو بغباوته غتاته)
ارجع عشان ننزل التحرير تاني وناكل كنتاكي (وحمص الشام كمان)
ارجع.. بقوا يطبخوا ع الفحم في اسرائيل
طب ارجع يا ريس واللي اتفرم يتصلح
ارجع ياريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين.. (وهالة حشيش وعمرو اديب وعمرو دياب وكل طقم الرقاصين والمطبلتيه وعلى راسهم عمهم مرتضى)
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقي من الدول المتقدمة
ارجع بقي ده حتي هالة سرحان رجعت, يرضيك كده يعني؟؟
يا ريس ارجع انا خايف رغيف العيش يكبر وأنا ناوي اعمل دايت
ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!
ارجع يا ريس, الإخوان بقوا بيطلعوا في التليفزيون الحكومي (وكل البنطلزنات قصرت وقربت تبقى شورتات مش فاهم ايه الارتباط بين كل ما اللحية تطول البنطلون يقصر؟؟؟)
طب بص.. بلاش انت ترجع.. بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟ (وبعدين النمتخب اتوكس والزمالك اتوكس والاسماعيلي اتوكس دا حتى بني عبيد اتوكس )