المشير طنطاوي مزعل الناس في اييييه

تعالوا نشوف او نفهم مكروه ليه انا عن نفسي بحبه جدااااااااااا
وعندي الدليل

اللي بيكره يقول الدليل

1-عمل منافذ القوات المسلحة علشان يخفف عن الناس غلاء الاسعار
اللحمة كان بيبعوها بنصف تمنها ومنتجات القوات المسلحة كلها باسعار مريحة
كان الفقير في مصر بياكل لحمة القوات المسلحة

2-عمل مصنع اسمنت علشان يخفف عن الناس جشع تجار الاسمنت
بس جيمي ابن حسحس اخد المصنع
معروف عنه انه مكنش بيقبل جمال ولا امه لأنهم استولوا علي اختصاصه في مقابلة الوفود العسكرية في استراحات الجيش ويجتمعوا معاهم وده من اختصاصه

3-عرفت من جوز بنت عمتي وهو عميد في القوات المسلحة وكان موجود في ميدان وقت الثورة انه يوم ما نزل الميدان ايام الثورة كان نازل بعد ما صدر امر من الرياسة بتفجير الميدان وضربه بالمدفعية فطلب منهم يبلغوا الرياسة انه موجود في ميدان التحرير واذا كان الريس عايز يفجر الميدان والمشير بين الثوار يفجره
ونزل وشفناه كلنا بعنينا والطائرات فوق رأسه بتزن وترعب الناس
طبعا مش هيعمل كده إلا اذا كان بيخاف على مصر اكتر من نفسه
ومش هيعمل كده إلا اذا كان متأكد ان رجالته في الجيش وراه وسندينه وإلا كانوا ممكن يعملوا
انقلاب عليه.........صح؟

طيب هتسأله ليه التباطيء في محاكمة الفاسدين هقول انه مش شرط يكون خيانة للثورة
او انحياز للعصابة المخلوعة

ليه منفكرش بطريقة اخري
بما انهم متخصصين بس في الحروب والمواجهات فطبعا خبرتهم في التعامل مع الناس العاديين قليلة
وبما انهم متعودين يعملواااااااااا في صمت فكلامهم قليل وسايبنا محتاسيين
وانا بنفسي شفت طرق مصر الدائرية والصحراوية اللي كان بيعملها الجيش
وياما وقفنا في السفر على ثكنات جيش على الطريق بجنودهم ومهندسينهم علشان شغالين في الطريق
كمان فيه حاجة مهمة

وكمان واضح جدا ان طنطاوي مركز على صورة مصر الخارجية وعلاقتنا مع الدول التانية اللي حسحس جابها الارض وتحت الارض وبيبذل مجهود لتحسين صورة مصر اللي شوهها المشوهيين ان شاء الله
شوفتوا اتعامل مع هيلاري كلينتون ازاي ورفض منح من امريكا تتولى امريكا توزيعها بنفسها على مشاريع معينة
شوفتوا تصرفاته ورد فعله على اسرائيل فتح المعبر وبيقابل الفلسطنين
اصلا امريكا واسرائيل ما بتكرهش حد في الدنيا زي طنطاوي ولا بتحب حد في الدنيا زي عمر سليمان
طنطاوي لغاية دلوقت ما بيردش على تلفونات رئيس وزراء اسرائيل وكل مرة اسرائيل تحتاج حاجة وزير الدفاع الامريكي يتصل او يجي مصر
علشان كده النت مقلوب على راس طنطاوي ...........لصالح ميييييييييييييييييين يا حلوين

كمان طنطاوي مركز قوي في الاقتصاد وعنده حق وانا معاه جدااااا
الناس لو جاعت لا هيبصوا للثورة ولا للشهداء ولا هيفتكروا حاجة غير الجوع
متهيألي ده سبب تأخير طلبات الثورة الداخلية
وبرضه سبب للاخطاء اللي بيقع فيها الجيش معانا

كل ده تفكير ورأي شخصي مش مفروض علي حد دي مناقشة

كلامي مش معناه اننا ما نقفش في التحرير لأأأأأأ
نقف علشان نفكر المشير بينا وبطلباتنا وسط مشاغله اللي حطت على رأسه فجاءة
لكن في نفس الوقت من غير تشكيك في الجيش ومن غير سب في الراجل اللي ما فيش دليل على انه ضدنا
لو عندك شكوى ارفعيها للجيش فورا من غير تأخير
لو عندك استفسار ادخلي على الصفحة بتاعتهم وكرري استفسارك هتلاقيهم مطلعين تنبيه يرد عليك
لو فيه اشاعة لو فيه بلطجية في مكان
انا جربت معاهم اكتر من مرة اكتب الحاجة والاقي الرد في تنبيه لهم على الصفحة او مكالمة منهم على اي برنامج

الجيش من مقدسات مصر والوحيد اللي بيشتغل دلوقت ويعمل الواجب اللي عليه وزيادة كمان
وان كان حد في مصر بيشتغل دلوقت يبقى الجيش بس

ارجوا احترام رموز الوطن ومقدساته
ارجوا احترام الرجل اللي كان في الظل وما استفدش حاجة من مبارك وعرض نفسه لمخاطر انقلاب ظباطه لو خانوه او القتل والاغتيال او تفجيره في الميدان مع الثوار

وعايزاكوا تفكروه مين ممكن يستفيد من تشويه طنطاوي والتشكيك في الجيش ؟؟؟؟؟؟؟؟؟؟؟
من غير ما نجيب سيرة الحزب الواطي وتخطيطاته وحبيبته امريكا ومن غير ما نذكر اسماء زي زكريا عزمي ورجالة صفوت الشريف
يعني علشان ما نظلمش الناس البريئة جدا والملايكة دول ده من غير دليل

وده لينك كتبته عن انجازات طنطاوي وبرده راي شخصي غير مفروض

http://www.3gypt.com/vb/thread363262.html

اتمني انكوا تقروا التوبيكين واعرف رأيكم من غير عصبية

مايك معاكم:biggrin23: