هناك فروق بين الشاب الراجل والشاب السيس



...1 - الراجل: نزل ميدان التحرير يهتف عشان عايز يغير بجد
..السيس : نزل يعاكس بنات او علشان صحابه هناك
.....................................
2 - الراجل: من البداية كان ضد الرئيس او من البداية كان ضد المظاهرات
..السيس : بعد الخطاب التاني للريس عيونه دمعت و حلف مينزلش التحرير تاني بس بعد
كلام و ائل غنيم رفع شعار نموت نموت و يحيا وائل
...........................................
3 - الراجل: بيشتري فول سوداني عادي من المحمصة
..السيس : بيشتري السوداني بتاع شيبسي ديلايتس , عشان الفول السوداني ميتبهدلش تاني
..................................
4 - الراجل: بيشرب بيريل, بيبسي , كوكاكولا ...اى حاجة بيحبها
..السيس : بعد اعلان استرجل و اشرب بيريل , بقى يتكسف يشرب بيبسي
.........................................
5 -الراجل : لو معهوش فلوس يجيب لخطيبته حاجة في الفلانتين بيبعتلها بليز كول مي و
لما تكلمه بيقولها وحشتني و خلصنا
..السيس : بيشتريلها دبدوب احمر تقوم هى تاخده و تديه لمدحت ( التاني )
..........................
6 - الراجل : لو راح السينما الأيام دي هيختار فيلم فاصل و نعود
...السيس : من غير تفكير هيدخل فيلم بون سواريه
.............................
7 -الراجل: لما بيجي يقول نكتة ع الصعايدة بيقول مرة واحد بلديتنا
السيس : بيقول مرة واحد صعيدي
......................................

8 - الراجل: بيقول لأمه يا ماما او يا امي و لما ابوه بيدخل و هو قاعد مأتنخ بيعدل نفسه
....السيس : بيقول امه يا مامي او بيناديها بأسمها و لما ابوه بيدخل و هو قاعد مأنتخ بيقوله هات اجيب كارت موبينيل بعشره
.........................................
مستنية ردودكم