السلام عليكم ورحمة الله وبركاته

كلنا حيرانين وبعضنا مش فاهمين
هل مصر تبقى مدنيه/علمانية (فصل الدين عن الدولة)
ولا تبقى دينيه ؟!

طبعا هيبقى دور الموضوع مش انه يقولك
لأ لازم تبقى كذا ..
لأ .. هيبقى دور الموضوع يفهمك الفرق بين الاتنين



اولا الدولة العلمانية جت منين ؟

__________________





هنقولها بطريقة بسيطة نعتبر ان محمد علمانى

ياريت نتخيل نفسنا مكان محمد ونشوف الكلام ده

محمد اتولد زينا كلنا على ثقافة مجتمع علمانية هدفها تشوية الإسلام لنشر العلمانية

بص يا محمد انت مش فاهم انت عشان بتتفرج على البرامج التلفزونية والافلام والمسلسلات
افتكرت ان الشيخ دا ارهابى متطرف او متعصب متشدد اويستخدم الدين غطاء للوصول للأغراض الشخصية
ودا اللى واضح من كلامه ودا اللى نجح الاعلام ان يشربهولنا من لبن الام منذ الصغر وحتى الآن

والفكر دا خطأ تماما والله .. لان اصحاب المصلحة من عدم تطبيق الدين كتير
زى اللى عايزين يلعبوا قمار والبنوك الربوية اللى بتسخدم الربا
والتعامل مع النـساء بشكل غير اخلاقى واللبس الغير اخلاقى للنساء
والتجارة الفاسدة والسرقة والنهب وغيرها ... كل دا لو الدين جه هيقضى عليه تماماً
دول اسمهم العلمانيين وعايز اوضح ان مش كلهم كدا فيه زيك كدا يا محمد
علمانى بس بدون قصد نتيجة للجهل الديني
والاصغاء التاااام للإعلام ودا مش عيب لكن العيب الاستمرار فيه

العلمانية هى فصل الدين عن الدولة ودا شعار يمكن يكون موجود عند النصارى وغير المسلمين
لكن فى الاسلام الدين لا يتجزأ عن الدولـــــة ..

العلمانية دى جت منين .. هقولك ..
الكنيسة زمان كانت بتحكم الدولة مش بس مقتصرة على الدور الديني لكن كانت بتحكم الدول بأسم الدين المسيحي
وكانت بتحارب وبتقتل العلماء وبتحارب العلم لمجرد خلافهم مع الدين او مع مصالحهم الشخصية
لدرجة انهم قتلوا اللى اكتشف ان الارض بتدور لان ده مخالف للى فى كتابهم المقدس وعملوا مذابح
للعلماء والمفكرين وكان مصيرهم حرق الكتب وقتل العلماء
.. نتج عن ده دولة متخلفة ومظلمة ..

لما حصلت نهضة وتحرروا من قيود الدين واصبحت علمانية يعنى الدين فى الكنيسة والدوله لوحدها منفصلة ..
طبعا الدولة تحررت واصبح فية نهضة فكرية وعلمية واصبحت اوروبا زى ما احنا شايفنها دلوقتى
ودا اللى كانت منعاه وواقفة فى طريقة الدولة الكنيسية لانها تحكم بأسم الدين ..

من هنا نشأ مفهوم العلمانية وربطة بالتقدم الحضارى والنهضية العلمية والفكرية والصناعية ..
وربط الدولة الدينية بالظلام والتخلف والرجعية .. ومحاربة كل ماهو جديد ونافع

والعلمانيين فى مصر يا اما جهله فى الدين ووارثين العلمانية من المجتمع والاباء
يا اما فاكرين انها نفس الدولة الكنسية اللى بتحارب العلم
ودا برضة ناتج عن جهل بالدين والشريعة الاسلامية
يا اما عايزينها علمانية عشان مصالحهم الشخصية وعشان يرحرحوا براحتهم


وفى النهاية ربنا يهدينا واياهم


تـــــابعوا...