ليل الحيارى
يتوه معاكى البال .. يا ليالى حزن السهارى
والحزن فيك موال .. يبكى فى ليل الحيارى
الثانية فيك سنوات
تملاها بيك حسرات
تكوينى فيك بآهات
وتهيم معاك نظرات
يحكى لك السهران على الى غاب منه
وآهات بُكا الحيران .. تتمنى ياريت إنه
حزنه يداويه الزمان يرتاح ف يوم جفنه
آهاتى بكا وأحزان .. تحكى هموم عنه
يبكى معاكى يا ليلة .. طالت سنين وسنين
على فراق الجميلة .. وقلبى وعمرى حزين
يبكى فراق الأصيلة .. ويرويكى بدمع العين
و الحزن ليلة طويلة .. فى بحور بلا شطين
بحر الحزين دمعته .. وآهاته مع لوعته
لو النجوم سمعته بيطفى نور شمعته
كانت النجوم تبكيه ويهدى من روعته
لكنه بقلبه العليل .. صبح البكا متعته
روحى تبكى ليالى حزينة لفراقها
ورمشها الغالى زود لى أشواقها
بحبها ف خيالى والنبض يعشقها
ظنونى هى امالى وازاى أصدقها
تحزن معايا الجبال .. تبكى مع الموال
تقوللى حزنك تقيل .. زى حزن الجمال
دمعك بحور وبحور .. مش كلام يتقال
الله يعين وحدتك .. ويصبرك يا جمال
الله يعين وحدتك .. ويصبرك يا جمال
.gif "50 (8)")
رد مع اقتباس
رد: ليالى الحيارى
المشاركة الأصلية كتبت بواسطة خلود
المفضلات