بدون مقدمات ورغى كتير هدخل فى الموضوع على طول


طبعاً استفزك العنوان وكنت داخل تطبق فى رقبتى :biggrin23:

وتقولى ملكيش حق تمنعينى من الكتابة:ranting_w:
انا حر ومن حقى اقول رأيى و........:ranting:

هقولك اصبر لما تعرف اقصد ايه !!!



بتعجب كتير لما بشوف عضو بيكتب او ينزل موضوع
لمجرد الكتابة او تزويد المشاركات او النقط:11nk(2):

طب ايه الفايدة اللى بتعود عليه
قسمنا اسمه مواضيع وحورات
يعنى نقاش فى كل شئ يخطر على بالنا
واى شئ او موقف او ظاهرة بتواجهنا
هنا بتطرح فكرتك سواء بقلمك او منقولة
وبتناقش فيها الاعضاء وترد عليهم
وتناقش اللى بيرد عليك سواء بالموافقة للى قولته
او بالرفض وطبعا مع الالتزام بآداب الحوار
هنا هيكون الحوار هادف وهتستفاد
وكلنا هنستفيد


طب هناقش ازاى وانا معرفش حاجة عن الموضوع؟؟

هنا بقى المصيبة:shocking:

مينفعش انك تنزل موضوع بدون ماتكون عندك
ولو فكرة بسيطة عنه

طب ايه الحل خلاص اقعد متفرج كدة واسكت؟؟

لأ طبعاً تقدر تعمل حاجات كتير
مش كلنا كنا بنعرف نتناقش ونرد ونتحاور ويبقى لينا
رؤية وافكار دى حاجة بتيجى بالممارسة
ابتدى الاول تكتب مواضيع فى الحاجات اللى تعرفها

لو سنك صغير اكتب مواضيع تناسب سنك
والحاجات اللى معندكش فكرة عنها اكيد هتلاقى الاعضاء هنا
طارحينها فى مواضيع قديمة اقرا واتعلم واعرف

شوف طريقة النقاش وازاى تدير دفة الحوار
دور ف الموضوع على كل المعلومات اللى محتاج تعرفها
مع الوقت هتاخدها خطوة بخطوة

المرة دى رديت واتناقشت ف حاجة
تعرفها وموضوع بسيط مع الوقت هتكون محاور ناجح

كلنا كنا زيك لكن مع الوقت عرفنا وفهمنا
رد بس بردود محدودة على اد معرفتك لو مش ملم بتفاصيل الموضوع المطروح

لكن متكتفيش بالشكر وتمشى
تابع واقرا اكيد هتكون احسن مننا بكتير

عود نفسك على تقبل اى رأى مخالف عشان تدى اللى ادامك فرصة
يعرض افكاره ورأيه كامل ومهما اختلفت آراءه معاك

فأكيد هتستفيد منها وهيستفاد غيرك منها

عارض واختلف لكن بدون تجريح فى الشخص اللى بيتناقش معاك

خلى مساحة الود ثابتة فالاختلاف فى الآراء والأفكار وارد
متخليهوش يأثر على علاقة الود والأخوة بينك وبين الغير



طبعا مش دى كل اسس فن الحوار وازاى نكون محاورين

لكن دى شوية نقط حبيت انبه بيها اخوانى واخواتى
الاعضاء الجدد والقدامى

اتمنى مكونش طولت عليكوا
تحياتى:bye: