ازيكم يا احلا اعضاء



الرايق بيعاكس أنثي التوكتوك


و الله يا جماعة مش محتاج أقول غير كلمة السر و إنتوا تفهموا بقي

الرايق

روقانه مجننا انا وصحبنا و حجننكم بيه هنا كمان

كالعادة أتحفني بضحكة علي الماشي

اتفرجوا إتفرجوا .. الرايق بيقول إيه

أنثى التوكتوك
ـــــــــ

البطاقة الشخصية للتوكتوك
ـــــــــ

الإسم:توكتوك

النوع:ذكر

الجنسية:ناس بتقول هِندى وناس بتقول تايلاندى و مُمكن يكون صينى وبيستهبل

السن:إديله شهرين وأربع أيام ميزدش عن كِده

الوظيفة:وسيلة مواصلات مصرية حصرية عصرية

إنجازات التوكتوك
ـــــــ

مُستورد التوكتوك فى مصر أتى بهِ وهو نيته سليمة أه والله نيته سليمة

كان عايز يحل أزمة المواصلات داخل المُدن و الأرياف

لم يكُن يعلم أن هذا التوكتوك لن يحل الأزمة المرورية

يعنى لو لاقيت أى شارع داخل مدينة واقف من أوله لأخره

إعرف إن هُناك توكتوك فى نُصه أو فى أوله وهو سبب الأزمة

أو كما قال نابليون ( فتش عن التوكتوك )

ده غير التلوث السمعى اللى بيعمله

لإن سواقين التوكتوك مُحترفى لتشغيل الأغانى العالية فى عز الليل

طبعاً بعض الناس من ساكنى الأحياء الراقية

ميعرفوش أيه التوكتوك ده هنقولهم كلمتين عنه

التوكتوك هو فيسبا جالها إنتفاخ عمل فيها كده

و هو على فكرة مبيمشيش بالنزين ده بيأخُد الرضعة و ينام

و مبيبيتش فى جراج بيبيت فى الحضانة

و لو موتوره سخن مبيروحش لميكانيكى بيروح لدكتور أطفال

أنا اللى غايظنى من الموضوع كُله إن من وسائل النقل القليلة المُذكرة

على العموم ربنا يدينى العُمر وأشوف أنثى التوكتوك شكلها هيبقى عامل إزاى





ماشي يا عم الرايق قعد إنت عاكسلنا بنات التكاتك "جمع توكتوك" و جبلنا تهمة


كل يوم نكته جديده او نصيبه منه