باساحرانى بنور العين
حبيبتى يا للى ساحرانى بنور العين
يا أجمل بحر ف الدنيا مالوش شطين
ياملاك الحور ياأجمل نور هنا وسرور
يا دنيا عشتها عاشق مع الرمشين
عينيكى سحر ربانى * فى دنيا تانية واخدانى
بنظرتها معانى الحب * وقلبى فيها اتولد تانى
عيونك سارحة .. يافرحة .. وشربة ميه للعطشان
ياقمر بيطل على الدنيا ..ياشمس تنور لنا الأكوان
برمش العين أسرح باحساسى ،يادنيتى وناسى
واتوه فى بحور من الافراح تنسينى ان انا انسان
اطير هايم فى بحور العين ملاك طاير بلا جناحين
تعيشنى الزمن كله حب وغزل لرموش ساحرين
تهنينى تخلينى .. فى دنياكى .. باعيش زمانين
وتسحرنى .. وتأسرنى .. ووياكى .. أمل وحنين
عيونك وحدها قصيدة .. بمليون بيت من الاشعار
فيها شعر للشاعر .. وسحر للساحر .. وجنة ونار
فى اول نظرة تبهرنى وتسحرنى أشد م الأسحار
اتوه.. وارفض اعود منها .. عيونك هى الاستقرار
عيونك هى الاستقرار
رد مع اقتباس
رد: باساحرانى بنور العين
المفضلات