احدث صيحه لحجاب الملتزمات
بسم الله الرحمن الرحيم
مرفق 10 صـور لعجايب الحجاب .... شوف و أتعجب
نظراً لأن البشر منذ بدء الخليقة برعوا فى التحايل على كل قانون ربانى ...
وأمتدت أساليب التحايل و الخداع حتى يومنا هذا لتضع بصمتها على كل شئ ....
سأخذكم اليوم فى جولة سريعة لفنون التحايل و النصب باسم الحجاب ... والتى جعلت منه أضحوكة (شوف الصور و أتعجب )
===================
رقم (1) فى عجايب الحجاب السبعة
الكـاريـنا
تـعريف الكارينـا ( لمن لا يعرف ) : هو بادى أسترتش يلتصق بالجسم ...
ويكون مزود بأكمام طويلة (علشان الذراعين ما يظهروش ..يا سلام على الحشمة) ....
وأذا ارتدت الفتاة الكارينـا فيمكنها ان ترتدى فوقه أى شئ تريده (نص كم او مفتوح الصدر اى حاجة وخلاص) المهم ان البدى غطى جسمها ...
ياسلام على التحايل و الخداع ... خدوا من القانون الربانى فى الحجاب مبدأ (ستر كل البدن ) .... وتجاهلوا انه لازم ( لا يصف و لا يشف )
المصيبة الكبرى : أن الأب و الأم بيكونوا فاكرين أنه ده الحجاب الصح طالما ان مفيش جزء من جسم بنتهم باين ...
===================
رقم (2) فى عجايب الحجاب السبعة
المـــايوة الشـــرعى
والله الأسم لواحــده يــضـحك ...
طبعاً لأن العقل البشرى مفيش حدود بتوقفه .. فأخترعوا حكاية المايوة الشرعى ده علشان البنات و الستات المحجبات اللى عايزين ينزلوا المية زى الناس العادية ..
تعريف المايوة الشرعى ( لمن لا يعرف ) : هو مايوة يغطى الجسم كله ولا يظهر منه الا الوجه و الكفين ....
بس فيه مشكلة بسيطة أوى ...
إن المايوة بيكون ملتصق بالجسم ... يعنى تفاصيل جسم المرأة كلها بتكون واضحة ..
(مشكلة بسيطة صح)
حسبى الله و نعم الوكيل
==================================
رقم (3) فى عجايب الحجاب السبعة
العبـاية و ما أدراك ما العبـاية
- للوهلة الأولى تظن أن العباية هى أفضل زى للمرأة الملتزمة .....
- للأسف هذا كان المفهموم القديم قبل أن تظهر الأنواع الجديدة
العباية الحالية ... تعرف بأسم العباية المخصرة ...
وهذه العباية تبرز تفاصيل الجسم بشكل مستفز .. بالأضافة إلى النقوش البارزة و اللامعة
بأختصـــار أنا أمنح هذه العباءة جائزة أفضل عملية نصب و تحايل لأعوام 2007 - 2008 – 2009 على التوالى
===================
رقم (4) فى عجايب الحجاب السبعة
البنطلــون الجــينز
هذا ســأسميه أم الـكوارث
التعريـــف : هو غنى عن التعريـف ..
طبعاً لا يخفى على أحد أنتشار البنطلون الجينز بين المحجبات كأنــتشار النار فى الهشيم ... إلا من رحـــم ربى
والبنطلون الجينز مفيش منه مقاسات واسعة ... هو بطبيعته بياخد شكل الجسم .. وبيجسد كل حاجة ..
يعنى مفيش أفضل من وصف المصطفى عليه الصلاة والسلام ( كاسيات عاريات ) شـــوف البلاغة
=========================================
رقم (5) فى عجايب الحجاب السبع
البــوت طــويل الـــرقبــة
وعلشان البنت المحجبة ما تحسـش انها متخـلفة عن خطوط الموضة .... قدموا ليها أخر صيحة ...
لو عايزة تلبسى جــيبـة عند الركبة .... بس أنتى محجبة
ولا يهمك .. الحل عندنا !!!!!!!!!
جيبة عند الركبة + بوت طويل الرقبة
مبروك المشكـــــلة أتحلت ... وطبعاً مفيش حاجة من جسمك باينة ..
قمة التحايل و النصب .. اللهم أستر بنات المسلمين
=========================================
رقم (6) فى عجايب الحجاب السبعة
ربــطات الـحجاب
طبعاً علشان كل بنت محجبة حست بالنقص بعد تغطية شعرها اللى بتعتبره تاج جمالـها ....
قاموا بتعويضها عن ده بانواع الربطات المختلفة ...
أشكال و ألوان و تداخلات غريبة ... والله ملفته أكتر من الشعر العادى
وأنا مش هتكلم كتير شوف الصور وأحكم
وكمـان علشان المرأة العملية كثيرة الحركة ... اللى بيخنقها ربطة الحجاب التقليدية أخترعوا ليها الربطة الأسبانية Spanish ...
وده أتباعاً لمبدأ ( الــدين يــسـر ... )
والله هم يضحك و هم يبكى
=========================================
رقم (7) فى عجايب الحجاب السبعة
مساحيق التجميل – المكياج – Make Up
بناءاً على مبدأ ( انه الله جــميل يـحب الجــمال ) ..
فيحق لكِ سيدتى أستخدام كافة أنواع مساحيق التجميل ... و اتباع أحدث خطوط المكياج العصرى ... مع مراعاة عدم ظهور الشعر (ديه أهم حاجة عندنا علشان ترضى ربنا )
بجد هو ده المفهوم عند البنات و الأباء و الأمهات فى هذه الأيام ....
ونسوا ان حتى الطيب (البرفان ( perfume محرم على المرأة أذا خرجت من بيتها
عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "
طيب اللى وجهها لوحة من الألوان و الأيحاءات ...يبقى حالها أيه
اللهم طهر عقولنا و قلوبنا من الزيـــغ و الهــــوى
===================
وللتــذكرة ... مع ان الكلام أصبح لا طائل منه فى زمن ماتت فى القلوب و جفت فيه دماء الغيرة على بنات المسلمين
هذه هى شروط القانون الربـــانى للــحجاب ....
الأول: ستر جميع بدن المرأة ( ما عدا الوجه و الكفين " وفيه خلاف" )
الثاني: أن لا يكون الحجاب في نفسه زينة . (يعنى ربطات أمينة شلباية و غيرها متنفعش )
الثالث: أن يكون صفيقاً ثخيناً لا يشف .
الرابع: أن يكون فضفاضاً واسعاً غير ضيق . (يعنى الكارينا و الجينز و العباية المخصرة و المايوة متنفعش )
الخامس: أن لا يكون مبخراً مطيباً .
السادس: أن لا يشبه ملابس الكافرات .
السابع : أن لا يشبه ملابس الرجال .
الثامن : أن لا يقصد به الشهرة بين الناس .
=========================================
طــفح الــكيل
لازم نتحرك نعمل أى حاجة
الحــــــــــليا ريت نبدأ بنفسنا ....
هتقولى : أنا أخواتى أو بناتى ملتزمين
هقولك : دور فى العائلة بتاعتك كويس ..أكيد هتلاقى بنت خالتك أو بنت عمك أو .. أو ... متحجبة بس مش عارفة الحجاب صح ... يا ريت توعيهم و تنصحهم
وطبعاً لأن البنات بيفهموا بعض كويس .. فياريت كل أخت فى المنتدى تحاول توصل لصاحبتها أو قريبتها رسالة الحجاب الصح .. وأستغلو أننا فى رمضان علشان القلوب بطبيعتها بتميل للتقرب إلى الله
منقول
رد مع اقتباس
رد: احدث صيحه لحجاب الملتزمات
المفضلات