اصل موضوعى ده موجه لفئة معينة ... الفئة الواعية الفاهمة اللى بتعرف تربط الاحداث ببعض و تشغل عقلها و تفهم المستخبى و مابيضحكش عليها ..

طبعا كلنا تابعنا الثورة من اولها و شاركنا فيها كمان ... و لازلناااااااا بإذن الله ...

أنا هنا بستعرض معاكم حلقات مسلسل محاربة الثورة واللى بيقوم بيها كتير من اتباع النظام الفاسد و عصابته و اعوانه و مريديه و معجبيه ...

الحلقة الاولى ... منظر خارجى .. ميدان مصطفى محمود ..
منظر داخلى ... صفحات و مواقع النت

ومشاهد الحلقة الاولى يا ولاااااااااد كانت ...
بابا حسنى ده ابونا ... و ده راجل عسكرى و حارب علشان البلد
دة صاحب الضربة الجوية النووية يا نااااااااااس:biggrin23:
ولو مشى و سابنا البلد هتغرق و هنضيع .. اهىء اهىء اهىءءءءءء...

المشهد اللى بعده ...
شباب الثورة قفلوا ودنهم عن اللى بيتقال و هووووووووووووووب خلعنا مبارك و مشيناه ..:110:
وزغرطى يا انشراح محسنى خلاص راح:biggrin23:


المشهد الاخير فى الحلقة الاولى .. يا حراااااااام .. ده مشى و هو زحلااااااااان ... خلاص يا ريس حقك علينا يا ريس .. احنا بنحبك يا ريس ... احنا متهببين .. قصدى اسفين يا ريس ..!!!!!!!

نهاية الحلقة الاولى ..



مشاهد الحلقة التانية ...
اونكل شفيق مسك الحكومة و قاعد مفرغ نفسه انه يطلع فى التليفزيونات يتكلم و يتفزلك و الناس تحاول تفهم منه حااااااااجة .. ابدااااااااااااا ..!!!


المشهد اللى بعده ... الله ده قمووووووووور .. ده عسووووووووول ... ده بيقول حضرتك و يا فندم .... يبقى هو ده اللى كنا بنحلم بيه و اللى هينقذ البشرية المعذبة بعد سنين تواجده فى احضان النظام الفاسد .. وكان ناوى يوزع علينا بونبونى:biggrin23:


المشهد اللى بعده .. شباب الثورة كملوا سد ودانهم و تشغيل عقلهم اللى ربنا مديهولهم ... و هوووووووووووب .. خلعنا شفيق و مشيناه ... ( احمدك ياااااااااارب ):Jumpy:

وطبعا خلال الحلقة فى شوية مشاهد فرعية خلال حكم شفيق عبارة عن انتشار البلطجة و الترويع حتى فى مدارس الاطفال .. على اساس ان البلطجية ( الشرفاء) هيضيعوا وقتهم و يدخلوا مدرسة اطفال علشان يسرقوا منهم الشندوتشااااااااات .. و ممكن شوية اقلام و كراريس
وظهور حزب ( الولولة ) بتاع البلد هتضيع البلد هتخرب عيالنا هيتخطفوا هندخل فى حرب اهلية هنبقى زى العراق .. يا لهووووووووووى .. ما كانش يومك يا مصر ... ادى اللى خدناه من الثورة و عيالها ..!!!! ويحرق الفيس بوك ع النت

نهاية الحلقة التانية ..


مشاهد الحلقة التالتة ..
شفيق مشى يا ولاد ... يا لهوووووووووووووز ... هنعمل ايه من بعدك يا شفيق .. ما كانش يوووووووومك يا شفشق .. لاااااااااا احنا هنسكت ؟؟؟ مش هنسكت ..( وبعد تفكير عبقرى فذ استغرق ثوانى من زمن الحلقة ) :
المشهد اللى بعده .. بنحبك يا شفيق ... اررررررررررجع يا شفيق ... عايزينك ريس يا شفيق ..!!!!!!! كان ياخد فرصتة بس ياجدعان دة راجل محترم وهيشخلع الشعب بالبونبونى
( يا لهوى يا مااااااااا .. الطم و لا اقطع هدومى يقولوا الست اتجننت ..؟؟)


المشهد الاخير فى الحلقة شباب الثورة و ناسها يقومون بمحاولات صادقة و حثيثة تفهيم الناس اللى يمكن يفهموا حقيقة اللى بيحصل .. وان شفيق مين يا جدعان اللى عايزينه يبقى الريس .. هو احنا نطلع من حفرة علشان نقع فى بيررررررررررررر ؟؟؟!!!!!! ( ولا زالت المحاولات مستمرة يمكن ربنا يهديهم ويفهموا الحقيقة ... )

نهاية الحلقة التالتة ..


نيجى بقى للحلقة الرابعة و اللى احداثها لسه طازة


المشهد الاول .. خروج سحب من الدخان الاسود الكثيف من مقرات مختلفة لامن الدولة .. وتجمهر المواطنين لاستطلاع الامر .. فيكتشفوا عملية وااااااااسعة لاخفاء و اتلاف مستندات واوراق جهاز امن الدولة و كلها من نوعية ( سرى جدا .. او سرى للغاية )

اقتحام المواطنين للمقرات دى لانقاذ ما يمكن انقاذه مع تدخل الجيش و تسلمه للمقار دى و التحفظ عليها لحين البت فى امرها و امر المستندات اللى تم تجميعها ..

نيجى بقى للماستر سين .. او المشهد الاساسى اللى بدأ و بسرررررررررررعة .. و فى عكس اتجاه الاحداث ... و بررررررررضه فى نفس اتجاه ( شكك الناس فى اللى بيحصل و خليهم يختلفوا مع بعض ) :

ظهور مكثف من ا لاراء اللى بتقول :

يا جماعة هو امن الدولة دول عبط ..؟؟؟ دول خيرة شباب المنطقة .. يبقى هيسيبوا ورق مهم وراهم ازاى .. لااااااااا ده الورق ده متفبرك .. ادينى بس دقيقتين و انا اضربلك كام ورقة زى دول ..

يا جماعة امن الدولة كان بيحرق المستندات المتعلقة بأمن مصر وحمايتها من اعدائها علشان الورق ده مايقعش فى ايدين ناس تضر مصر .. ( تعظيم سلاااااااااام يا جدع لامن الدولة الوطنيين ..!!!)

يا جماعة مش معقولة امن الدولة كان مستنى كل ده علشان يحرق اوراقه .. مش معقولة ان وجود شفيق و سياسته كانت بتحمى وجودهم و افعالهم .. لاااااااا اللى بيحصل ده مش منطقى و مش معقول ... احنا مش مصدقين ... بابا شفيق عمرررررررره ما يبقى متستر او متواطىء فى الموضوع ده ... ده بابا يا جماعة ... عارفين لو كان ماما .. كان يمكن نصدق ... لكن ده بابا .. شفيق برررررررررررىء يا ردااااااااالة ( رجالة يعنى بس بالصعيدى ) ..

ولازالت احداث الحلقة الرابعة شغااااااااااالة ..


المهم يعنى و الغرض من الموضوع ... انى استعرض معاكم و باختصار .. المراحل اللى مرينا بها من بداية الثورة و لسه بنمر بيها لحد دلوقتى ..

مش عايزين مبارك ....... لأ مبارك حلو خلوه ده عشرة برضه يا جماعة دة احنا شعب اصيــــــــــل.. واللى نعرفة احسن من اللى منعرفوهش (ع غرار الشر اللى نعرفة احسن مية مرة من الخير اللى منعرفهوش)

.خلعنا مبارك ...... اسفين يا ريس و بنحبك يا ريس و حملة رد الجميل
( طبعا جميل يا جدعان قولنا دة صاحب الضربة النووية انتو مش بتفهمو ولا اية)
واسفين يا ماما سوزى
واسفين يا جيمى
واسفين ياحبيب ياعادلى
واسفين يا كل الحرامية


مش عايزين شفيق و رجالته ...... لا يا جماعة ده شفيق محترم و البلوفر بتاعه سينيه .. و كمان بيقول حضرتك ..
يبقى نسيبه ازاى

خلعنا شفيق و اللى باقيين من العصابة ...... بنحبك يا شفيق .. عايزينك يا شفيق .. نبوس ايدك ترشح نفسك يا شفيق
ومصر بكرة هتندم عليك يا شفيق


مش عايزين امن الدولة ( ارهاب الدولة)ولازم نلغيه ........ انتم بتهرجوا .. فى حد يعيش من غير امن الدولة .. دة امن وامان لكل مواطن ياجدعان:Jumpy:
وناكل و نشرب ازاى .. قصدى و نتهان و نتعذب ازاى ؟؟؟

محاصرة امن الدولة واكتشاف الاف المستندات المحروقة و المتلفة .. و انقاذ ما يمكن انقاذه ..... لاااااااااا دى خدعة دى مكيدة دى لازم حركة معمولة علشان يشغلونا بيها وكل المستندات دى متفبركة و متزورة ..
ده حتى مش مختومة ... قال يعنى هم كانوا شغالين فى امن الدولة و عارفين المستندات اليومية دى لازم تبقى مختومة و لا لأ ..!!!!!!!!!


ده اللى حصل و بيحصل يا سادة ..


أنا بقى طالبة منكم انكم تشغلوا خيالكم شوية .. و تساعدونا فى التنبوء باحداث الحلقة الخامسة و الحلقات القادمة من هذا المسلسل الهزلى الغببببببببببببى اللى بيلعب على نقاط ضعف الشعب المصرى وع عواطفنا الحثاثة

.. و للاسف لسه لحد دلوقتى فى نسبة من الشعب المصرى بيتأثر بكل اللى بيتعمل ده و بينساق وراه بدون اى درجة من الوعى و لا الفهم ولا محاولة قياس الاتى على الماضى .. او بمعنى تانى ... ماخدش على قفايا مرتين .. او لا يلدغ المؤمن من جحر مرتين .. للاسف فى ناس مصرة انها تتلدغ 100 مرة و تقول كمااااااااااان ..

وانا احساسى ان المسلسل ده حلقاته هتطول شوية .. و هنتفاجىء فيه باحداث و اساليب و محاولات مكشووووووووووفة للقاصى و الدانى ... و الهدف منها تشويه الثورة .. و التقليل من حجم نجاحها و التركيز فقط على سلبيات المرحلة دى ... و بالتالى حشد كراهيةالناس وغضبهم و خوفهم و توجيه كل المشاعر السلبية دى تجاه الثورة و ولادنا و شبابنا اللى ضحوا بنفسهم علشانها ..

بس بإذن الله ... زى ما ربنا نصرنا فى الاول .. قادر ينصرنا دلوقتى و ينصرنا فى اللى جاى كمان ..

و كان نفسى حد يخترع حاجة ينفع بيها نسلف عقولنا و نظرتنا للامور .. لكتير من الناس اللى حوالينا .. يعنى نديهم عقلنا كده قيمة ساعة فى اليوم ... يمكن يشوفوا الامور زى ماحنا شايفينها و يفهموها زى ماحنا فاهمينها ... ومش احنا بس ( اه علشان اللى هيدخلوا يشتموا فينا ) .. ده احنا و غيرنا كتير و شخصيات مهمة كتير و ناس موثوق فيهم كتير ... كلهم بيقولوا اللى احنا بنقوله و فاهمين اللى بيحصل زى ما حنا فاهمينه ...

بس مين يفهم و مين يفكر و مين يتعظ من اللى عشنا فيه سنين و يقول ( على جثتى انى اسمحلهم يخدعونا تانى و يدخلوا وسطينا علشان يفرقونا ويعرفوا يشتغلوا تانى باساليبهم القذرة اللى عششت فى البلد سنين و سنين ..)


وربنا معانا ومصر بينا وبشبابها الاحرار المثقف الوعى هتفضل ام الدنيا