الحرية ، التغيير ، حرية الفرد ، التحرر ، كل واحد حر فى اللى بيعمله


مصطلحات مش جديدة فى مجتمعنا لكن استخدامتها فى الوقت الحالى مبقتش كدة

قاسم امين نادى بحرية المراة بس كان يقصد حريتها فى انها تختار جوزها وتتعلم وتشتغل
وتاخد حقوقها اللى اقرها الشرع لكن حرية المرأة دلوقتى بقت

.. كل ما تتزنــق اقلـــع ..




اكيد بابا خرونج علشان مطلعك من البيت لابسة كدة






عايز تعرف حرية المرأة عندنا وصلت لغاية فين ؟؟
روح اى ميدان عام او شارع كبير
واتفرج على كل واحدة ماشية هتلاقى الحرية وصلت لغاية فين ؟؟

ولو جيت تتكلم وتقول ان ده مينفعش
وان فيه قيم وعادات وتقاليد وسلوك مجتمع
لازم نحافظ عليه خد عندك بقى كلام من عينة انا مبعملش حاجة غلط
انا حرة فى لبسى دى حرية شخصية انا البس اللى انا عايزاه


ونرجع بعد كدة نتكلم عن التحرش والاغتصاب
هتقولى طب ما الواحد يغض بصره
هقولك ان النفس امارة بالسوء واللى يقدر على الشيطان النهاردة
ممكن بكره ميقدرش والنساء فتنة كل عصر

المهم ان الهدوم بتقل كل ما التعليم زاد او المستوى المادى كان عالى
يعنى ماتلاقيش بنت فى الريف لابسة هدوم مش ولابد
ولا تلاقى بنت مستواها المادى على قد حاله وتلاقيها لابسة هدوم بالصابون



فين دور الاسرة فين الاب اللى بيمنع بنته من الغلط
فين الزوج اللى مبيسمحش لزوجته انها تطلع
وهى لابسة اقل قدر من قطع القماش ( لفظ محترم بدل عريانة )
فين الاخ العم اى راجل فى العيلة ولا كلهم ماتوا فى الحرب

ليه البنت بتعمل كدة وبتلبس الهدوم دى حرية زيادة
ولا مفهوم مغلوط للحرية ولا هى فاكرة كدة هتشنكل عريس
ولا هى عايزة تتعاكس وفرحانة بانها مطلوبة من الرجالة
ولا هو ده العادى والطبيعى وانا اللى معقدة ومنفسنة ؟؟؟؟



دلونى على السبيل



:bye: