رجاءا

**gangana** · 01-09-2009, 06:02 AM

برجاء ان يخبرنا احد اعضاء نادي 6 اكتوبر عن قيمه الاشتراك في النادي حاليا؟
وهل من المعقول ان يكون النادي الوحيد في المدينه لا يستطيع ان يحتوي الفئات المختلفه فيها ------؟ بمعني كم فرد في المدينه من عمال يستطيع دفع المبلغ؟
اذا لم تكن في استطاعه الغلابه فبرجاء اتركوا الارض ولو حتي للسرقه باسم الاستثمار
فهي في كلا الحالتين ضائعه لاني اعبر عن صوت الاغلبيه المفرومه من شعب مصر
فعلا لن يضيع حق وراء مطالب ---- افيقوا------------------------------

**محمود التهامي** · 01-09-2009, 09:47 PM

على فكرة عادي جدا ان اشتراك النادي يكون غالي ومبالغ فيه بالنسبة لأغلب سكان المدينة ودا مش حال نادي 6 أكتوبر بس لأ ماهي الجمهورية كلها كدا شوفي مثلا الأهلي أو الزمالك أو الصيد أو الشمس وسبورتنج كل النوادي في الجمهورية اسعارها كدا
وبالنسبة للفئة الأكبر من الناس فالدولة عملت لهم أندية الشباب وهي بالظبط زي النوادي مع فرق الامكانيات زي المستشفيات العامة كدا والخاصة وزي الاوتوبيس والتاكسي وفيه في المدينة على حد علمي حتى الان مركزي شباب واحد في الحي 11 اسمه مركز شباب ال 100 متر وواحد في الحي السادس عند المطافي والجوازات والمرور واسمه مركز شباب الحي السادس واشتراكه حوالي 20 جنيه سنويا وحوالي 20 زيهم تقريبا لكل لعبة ترغب في ممارستها شهريا وزيهم لحمام السباحة طول الموسم واعتقد ان دي اسعار لا يمكن ان يوجد عليها خلاف

**محمود التهامي** · 18-09-2009, 10:05 PM

آخر معلومة عن اشتراك النادي
45ألف جنيه
ودا من اعلان قديم للنادي بتاريخ 9/2008
والله أعلم وصلت لكام دلوقتي

**gangana** · 19-09-2009, 06:25 AM

يا سيدي الفاضل لا اعلم من اين جئت بهذه القناعات
اولا انا ذكر ولست انثي وعذرا لان الاسم مستعار
ثانيا الارض للشعب سواسيه ونادي اكتوبر كان مجهز لاهل اكتوبر الا وهم العمار والشباب الذين نزحوا بحثا عن لقمه عيش بدل بهدله السفر للخليج وهم الذين انتجوا لكي ينعم وينام اصحاب المصانع ويجنوا ثمار اعمالهم ليسهروا به او ليعطوه لاولادهم لكي يتفاخروا به
ولم يحدث الا ان طمع اولوا المناصب في هذه الارض لقربها واصبحت اكتوبر كلها متميز ويكاد يطغي علي الغالبيه التي كانت عامله الان اكثرهم ولاد ذوات سبحان الله
وهذه هي النتيجه ما اصبحت عليه اكتوبر
وطبقه العمال تاكلت
الحل عند الله فهناك يوم سيكون فيه العدل وساذكرك بذلك

**محمود التهامي** · 19-09-2009, 06:39 AM

يا أستاذي دي مش قناعاتي زي ما حضرتك بتقول
كل الأندية على مستوى الجمهورية كدا مفيش حاجه اسمها نادي لفئة معينه الا بقا لو حضرتك تقصد الأندية النقابية زي نادي المعلمين مثلا
لكن نادي 6 أكتوبر مش كدا يعني زيه زي الأهلي والزمالك وغيرهم كتير ولو حضرتك تفتكر شوف الأهلي أول انشاؤه كان ازاي ودلوقتي بقا ايه ودا ملوش علاقه أبدا بمشكلة الأرض اللي حضرتك بتتكلم عليها

وعلى فكرة أنا شاب بسيط عمري 25 سنة ومقيم في المدينة من سنة 1990 و دخلي السنوي لا يتعدى ربع قيمه اشتراك النادي ومش شغال في النادي كمان ولا حتى اعرف حد فيه وبيني وبينك مش عايز ههههههههههه