*** عايش هوان يأسى


*** زعلان مع نفسى



*** والجرح بيطّول


*** أكتر من الأول


*** دانا عمرى ماتحول


*** وأقول دة كان نفسى




*** هافضل اناديلك


*** وتجينى وأجيلك


*** ويومها راح أشيلك


*** فى عنية وتحسى



*** حبك سكن فية


*** طمنى ياعنية


*** عايزك تكون لية


***طعم هواك نفسى




*** دانت حبيب الروح


*** ومهما تغيب وتروح


*** ليه سبتنى مجروح


*** وابكى على نفسى



*** هادوس على قلبى


*** يمكن يموت حبى


*** صبرنى ياربى


*** يمكن اشوف نفسى



*** وياقلبى تستاهل


*** علشان بتتساهل


*** بعدّك أنا قابل


*** ويكون فداك نفسى



*** هامشى ومش راجع


*** ولا عمرى هاتراجع


*** وياريت تكون سامع


*** ولا تسمعيش حسى



*** وهاعيش على الذكرى


*** وماشوفش غير بكرى


*** يمكن يكون أحلى


*** وصالحك يانفسى

ملطووووش