الســلام عليكم ورحمة الله وبركـَـاته

إزيكم يا شبـــابْ عَــاملين إيـــه وأخبــاركم إيــه ف الايـَـام دى

طبــعاً النهارده تقريبـــا الأغلب نازلين الاستفتاء
أو المعظم
وهنقول نعـَـمْ أو لاء

قبــل أي حاجة انا فرحـَـانه جداً جداً
إننا بقيــنا بنتَــكلم وبنتناقش وحاسسه بجد انى ليا صوت ف بـَـلدى
طبــعاً من أول ما اتولدت مكنش ليــا صـُـوت لأن
كانو هما الى بينتخبولى وهمـَا الى بيصوتولى
دا لو كان فيه استفتاء يعـَـنى
ما عليــنا ندخــل ف المـُـهمْ

إن شاء الله في الى هيقول لاء والى هيقول نعم ...
انا بس عَـاوزه أشــوف وجهة نظر كل واحد
يعنى الى هيقول لاء هيقول لاء ليه
والى هيقــول نعم هيوافق ليــه ؟؟

انا عَــاوزه اعرف وجهـة نظـَـر كـُـل واحد
يعنى كل واحد يتكـَـلم عن نفســه بس
نفسى نحقق معنى الديموقراطية .. إنى احترم كلام الى قدامـَـي
لان كـُـل واحد وليــه كلامه وليه تفكيــره

الغريــبْ بقـــا
ان الاخوانوالحزب الوطـنى موافقيـن
عمرو موسى .. البرادعى .. عمرو خـَالد .. عمرو واكد
شبـاب إئتلاف الثورة .. كل الاحزاب تقريــباً... بعض المستشارين بيقولو لاء

فهــي بقــت ان كــل واحد يفكــر ويقول على حسـَـبْ تفكيره
والى هـُـو عاوزه فـعلاً
هى بجد حاجة تفــرح أوى ..
لما أقعد مع اصحابى ونفضل طول الليل
نتناقش ودا يوضح لدا ودا يصحح لدا

حـاجة أخيـرة ..
ياريت يا شبــاب نحتــرم رأي بعض .. مش معنى انى اختلفت مع واحد
يبقى انا ضــده وعدوه .. لاء
انا عن نفســي هقـُـول لاء ان شاء الله ...

أنـَـا على فكــرة هقـُـول لاء ليــه
بس انا عَــاوزه اشــوف رد الناس هنا
انا هقول لا عشان من وجهه نظرى ان لو قولت اه يعنى انا كده عايزة نظام مبارك الفاسد يفضل موجود
هقول لا لمصلحه بلدى وعشان انا خايفه عليها
ربنــا يكتــب لنا الخيــرْ ياررررربْ ..
قولو آميــنْ
يلا بقى انتوا كمان هتقولو أه ليه ؟
وهتقوله لآ ليه ؟