حزب الكنبه!!!!!!!!!!!!!!
تأسس حزب الكنبه سنه 1981 وكان مؤسسه هو القائد محمد شلته وهو اول من نادى بأن صوتك امانه بس خليه معانا ومتزعجش نفسك وتصوت احنا فى خدمتك وهنصوتلك حتى لو كنت ميت
--نادى حزب الكنبه بالدستور وهو اول حزب طالب بتغيير الدستور والدستور كان يقصد به ان لما واحده تزور واحده تقولها اتفضلى ياختى بدستور حبايبك ولكن حزب الكنبه غير المفهوم الركيك للدستور وجعل الدستور للساده فقط مش لأى حد ولهذا ظهرت فى التاريخ الحديث عبارة دستور يااسيادنا
وهو دا مفهوم الدستور عند حزب الكنبه
--حزب الكنبه من مؤسسيه قادة المعارك امثال معركة الجمل والجحش
--حزب الكنبه اول من نادى بقوطة المراة لما لقا ان الاوطه غليت فقال ننزلها فى مجلس الشعب عشان ترخص وخص الستات بكده عشان هم اللى بينزلوا السوق وفهمين الاعيب التجار
--حزب الكنبه هو اول من رش المبيدات المسرطنه على الزرع ولوث مية النيل عشان يثبت للعالم كله شجاعة وبسالة المواطنيين فى مواجهة الكوارث والمصائب
--حزب الكنبه هو اللى قتل الشهداء فى ميدان التحرير عشان يثبت للجزائريين اننا عندنا شهداء زيهم
عنداَ فيهم عشان وصلوا لكاس العالم
--حزب الكنبه هو اللى حرم الرقص والمسخره وقلة الادب فقتل سعاد حسنى وبنت ذكرى عشان ما ينتشرش الفساد
--حزب الكنبه هو اللى خلا شريهان تعجز واصابها عشان كانت بتصعب الفوازير على المشاهدين
والى لقاء اخر مع برنامج الحزب
رد مع اقتباس
المشاركة الأصلية كتبت بواسطة اسامة22
المفضلات