في البداية بشكر شيري كتير على انها فهمتني القوانين العجيبة اللي في القسم ده ....حسستني في بداية تعاملي هنا انها مش حرماني من حاجة خالص اي حاجة اعملها بتيجي وتتديني على راسي بس بجد الواحد يعتبرها كأخت ليه يتشرف بمعرفتها .....


مش عارف مش من طبعي اتكلم كتير ...احب اضحك واهيس.....يمكن ده بيعكس حالة الأرتياح اللي بمر بيها
هنا بحب اكلم نفسي ...لما تلاقي نفسك في وضع زي الوضع الموجود ان فيه الان وعاوز يتكلم في موضوع مش اقدر اكلم حد فيه يبقى اكلم نفسي ويالله يا نفسي خدي وهاتي مع نفسك ...


انا جاي هنا اتكلم مع نفسي يعني حاصارح نفسي بكل حاجة مش بالضرورة يكون الموضوع عاطفي بس يمكن بيكون اخباري عن حالتي وعن مشاعري لإنسانة بحبها ....رغم كل مايحيط بهذا الحب من عوائق

استسمح شرفين القسم انه يكون مدونة خاصه بيا اكتب فيها اللي بيحصل معايا وقت ماحب انه اكتب وفي نفس الوقت احاول ارمز امور كتير بتحصل معايا عشان مش بحب حد يعرفها بس لازم اتكلم

على الأقل هنا ممكن حد يهمني امره يمر مرور الكرام بعكس البحر اللي بيفصلني مسافات مابيني وبينها ..... وبعكس الجدار لما اكلمه ومش بيرد ولا بيحس انما البحر اهو بتتمنى موجهه توصلك الا انت عاوزه

....