سلام عليكم..

محتاجة من اللي يقرأ التوبيك ده يبقى مصحصح أوي .. علشان الموضوع كبيـــــــــر ومحتاج تركيز ..
متقلقوش مش امتحان ولا حاجة

انتي بتتكلمة عن إيه؟؟
إحنا مش فاهمين حاجة

هفهمكم.. مصحصحين الأول؟



دلوقتي في مجموعة أطفال
كلهم تحت 17 سنة (و انا منهم )
اتفقوا مع بعض إنهم يعملوا حاجة لغيرهم وده بعد أحداث الثورة
بس لازم تكون حـاجة كبــيرة و بجد

الأطفال دول كلهم في مدرسة إعدادي وأولى ثانوي قرروا إنهم يهتموا بالأطفال اللي قدهم ذوي الإحتياجات الخاصة
و اتفقــوا و قرروا هيعملوا حمــلة و سموها حملة اطفال برة الدنيا و كان بمساعدة المُدرسة بتاعتهم


طبعا عايزين تعرفوا اشمعنا الاسم ده؟؟؟
اقولكم انا

ببساطة كده دول اطفال معندهـمش ولا تأمين صحى(اللى بعد 6 سنين) ولا يقدروا يدخلوا مدارس و المعاش بتاعهم 80 جنيه بس و كمان ليه شروط غريبة مترضيش ربنا

ده غير إن بعض الحالات بتبقي بسبب غلطة دكتور و نقص ضمير
و العلاج غالى و الدولة مش مساعدة

يعنى دول كدة مش عايشين معانا فى الدنيا

و احنا حلمنا اننا ندخلهم معانا جوة الدنيا
احنا حلمنا حلم جميل ... حلم اطفال مصر بلا دموع حلم اطفال مصر بلا معاناة حلم اطفال مصر بلا حرمان

احنا شفنا اطفال كتير عايشين برة الدنيا و بيعانوا فيها ف كل ثانية و لما شفناهم حسينا بيهم حركوا حاجة جوانا حسينا ان الدنيا احلى و هما معانا و مساعدتكم لينا و لما تمدوا اديكم ف ادينا هيرجعوا معانا جوة الدنيا

دول اطفال على هامش الحياة .. مش بإرادتهم بس المجتمع هو اللى حرمهم من حقهم فى الدنيا و لما مدوا اديهم لينا خذلناهم .. بس لا جه الوقت اللى ناخد بأديهم و نرجعلهم حقوقهم
و إن شاء الله بمساعدتكم لينا هننصفهم

و بما ان نص مصر مشتركة ف الفيس بوك ف احنا عاملين جروب هناك تقدروا تتواصلو معانا فيه

و ده اللينك بتاعه

http://www.facebook.com/home.php?sk=...group_activity

انا عارفة انى رغاية شويا معلش صدعتكوا بس بجد احناا محتاجين مساعدتكم لينا عشان نقدر نرجعلهم حقوقهم


متشكرة اوى ..... السلام عليكم