أكبر مساوئ الثوره :


انعدام الامن والامان الى متى؟؟؟؟؟؟؟؟؟


زيادة الخطف والتحرش

اقتحام البيوت والمحلات التجاريه

زيادة السرقه والبلطجه


للاسف كلنا مغمضين عينينا عن المصيبه دى وشايفين الحياه لونها بمبى وان الشباب اتغير خلاص وبقى بنضف البلد وهيغيرها للاحسن

بس فى جزء تانى بخرب وبيسرق ويبلطج ويتحرش ويغتصب


وعشان محدش يقول انى بكبر المواضيع انا شقتى اللى 15 مايو اتفتحت وانسرقت بقت عالسيراميك والحمد لله مكناش موجودين وطبعا قررنا نعزل ونسيب المدينه لان كل يوم حادثة سرقه

واحده بنت مع اختى فى الكليه اتخطفت ولاقوها بعد ثلاثة ايام والله اعلم بلى جرالها

الرعب بقى فى كل حته بالذات المدن الصغيره والقرى اللى مفيهاش جيش الواحد يخاف ينزل بعد الساعه 7 بليل ليطلع عليه بلطجى بمطوه يسرقه او لو ست يتحرش بيها



مفيش حد مش مع التغيير للافضل والحريه وسقوط النظام والقضاء عالفساد

بس الامن اهم شئ فى اى بلد واللى بدونه عمره الحاجات دى ما هتتحق