طبعا الفتنة الطائفية اللي اثارت استيائنا جميعا دي
وخلتنا عايشين في ترقب وخوف
وللاسف بعض المسيحين الطيبين اوي
زي اهالينا اللي تعاطفوا مع مبارك بعد خطابه التاني
صدقوا ان فيه فتنة وان المسلمين هيدبحوا المسيحين
وزي ما قال احمد عز
احنا طيبين اوي عشان اما طوبة تتحدف علي كنيسة ويقولوا المسلمين نصدقوا
والعكس
اللي حصل في تفجيرات كنيسة القديسين في اسكندرية
ناس معينة قاعدة برة مصر
حبت تشعللها يطلعوا عالعربية عالبي بي سي
عالفيس بوك
ويقولوا اضطهاد
واحنا مضطهدين
وانا منكرش ان فيه مسيحين مضطهدين
ومنكرش ان فيه مسلمين مضطهدين
لكن احنا كشعب مصر مضطهد
من النظام السابق
ومن الدول الغربية
عشان مننساش الموضوع
طلع حبيب العادلي اللي عاملها
وزي ما فيه ميحسين اتاذوا
فيه مسملين اتاذوا
في نفس الحادثة
ولازم كلنا نفهموا ان امن الدولة اتحل والمسطور ظهر
ولسة فيه ناس من الحزب الوطني عاوزين يبعدوا العيون عنهم
ويشغلوا الراي العام
لمصايب تانية
واحنا موش هنسمح لهم
احنا عاوزين نركز في اللي جاي
وقلناها الف مرة
ياريت نركز في اللي جاي
احنا قررنا نعملوا ثورة وتنجح وعملناها
كلنا مكناش بنفهم في السياسة
دلوقتي مبنعملش حاجة في حياتنا غير سياسة تقوم من النوم تجري تفتح التلفزيون تشوف اللي حصل
من اول ما بتقعد قصاد الكمبيوتر لحد ما تقوم متابع السياسة
صفوت الشريف احمد فتحي سرور كل دول لسة متحبسوش
كل دول عاوزين يجهضو الثورة
وخلوا بالكم
متستبعدوش يكونوا بيعملوا الشغل ده
عشان واحد تاني يظهر ويبقي حبيب الملايين ويترشح
للرئاسة ويكسب
اصحوا يا جماعة شوية ولازم نفكروا قبل ما نقولوا الطوبة
كذا اللي حدفها
نشوفوا مين ليه مصلحة يحدفها علينا عشان نموتوا بعض
وبعدين ماحنا من يوم ما اتخلقنا واحنا عايشين مع بعض
خلاص جت عاليومين دول وهنقتلوا بعض وندبحوا بعض
كفاية استفزاز
الشوارع بقت غابة والبقاء للاقوي
عاوزين نسيبوا الناس الجديدة
تشوف شغلها
اتمني توصل رسالتي