عاجل جدا بيان رقم واحد للرئيس المخلوع مبارك بعد الثورة

**فريد** · 10-03-2011, 03:11 PM

السلام عليكم
ابناء الوطن المخلصين
ابناء مصر الثوريين
********
لقد عدت اليكم بعد ماتاكدت من ثورتك المجيدة
و اهدافها النبيلة
و كل الا عملته ليس الا محاولة
للتاكد من قوة و صلابة الثورة
ثورتنا العظيمة
و اكرر ثورتنا العظيمة
ضد الظلم و الطغيان و الحزب الوطنى
الا كان ظلمنى معاه
و انا دلوقتى خصمته
و بقلكم ياخونا انا جيت احذركم اهو
عشان تعرفوا انى مع الثورة
الثورة بتاعتى
اقصد ثورتنا كلنا
فيه ايادى خفية عنكم انا عارفها طبعا
ماهما كلهم اولادى و تلامذتى
انا الا مدربهم و عارفهم واحد واحد
السفلة دول
الخاييبن الله يخرب بيتهم
مش عارفين ينيلوا حاجة
عاوزين ينقضوا على الثورة خدوا بالكم
مين الا بيحذركم دلوقتى اهو
لو مش مصدقينى اسالوا وائل غنيم
مين الادمن بتاع جروب كلنا خالد سعيد
هايقول على طول من غير كدب
ان هو الادمن بتاع الجروب
امال يعنى هايكون انا
تحية مصر

**اميرة حبى انا** · 10-03-2011, 05:49 PM

هههههههههههههههههههه
حلوة اوى اخر سطرين
شكرا يا استاذ فريد
خليه هو وولاده بعيد بس
ومصر عليها الباقى

**الرومنسى** · 11-03-2011, 12:51 PM

كلمات مرتبة منسقة منك فريد
لك تحياتى
وما اطلبه من أخ وثورجى مصر
الكثير لاجل مصر
كى تخرج من أزمتها الراهنة
وومناهضة كل تطلع لضرب إقتصاد وسياسة مصر
وأمنها الداخلى
لابد من السعى لوحدة الفكر والعقيدة والهدف حتى يتثنى لنا الخروج من تلك الازمة
وليست الثورة الهدف الذى تحقق بل الاستقرار بكل اشكالة
وإن إعتمدنا على سقوط فرد بأن النتيجة هنا حسمت سنخصر كل شئ حتى ما كنا فيه بالماضى سنندم عليه
وهذا مجرد رأى لاخ عزيز