بسم الله الرحمن الرحيم

مقدمه لا بد منها

اعتدنا الكلام المنمق الواضح عن ثقافه كل واحد منا فمنا يستخدم اسلوب الاستهزاء ومن يستخدم اسلوب التهويل وكلها اساليب ومنها الاسلوب الذى يحترم قلمه وهو يكتب
ومنها من لا يحترم قلمه ولا اقلام الاخرين

عارفه ان كلكوا هتقولوا وبعدين ايه فايده المقدمه هقولكوا
انا شخصيا بحترم قلمى وكتابتى ولا استهزء بااحدا مهما كان
وهناك الكثير مثلى وليس اختلافى فى الراى مع احد هو مدعاه لى لاستهزاء به
واقولها اليوم وستبقى فى عقولكم كثيرا تفكرون بها ماذا تريدون او لاجل ان لا اخرج نفسى من بوتقتكم اقول ما نريد ؟؟
يوميا نتحدث فى موضوع واحد ونصبح صباحا لنتحدث به وبااختلاف الاشخاص فهو موضوع الساعه لازم يرحل طب هو مين اللى يرحل يقولك مبارك ومتقولش عليه رئيس قول مخلوع ولا سابق طيب اهوه رحل
لازم يرحل هو مين تانى وزيره القوه العامله وكل الوزراء القدامى ورحلوا
لازم يتحاكموا واتقدموا للمحاكمه طب ايه رايكوا بقى لازم ننزل بصوره مضاده الجيش بيلتف على الثوره
طب بصوا بقى شفيق لازم يرحل واهوه رحل واتى غيره
واليوم جئتم لتتناقشون عليه وانا اعتقد بل اؤكد لكم ان بعد عده ايام ستقولون لازم عصام يرحل
يااخواتى ماذا نريد لمصر اقولها بعلو صوتى واليوم اريد ان اذهب لميدان التحرير لاقول كفى عبثا بنا
لست ضد الثوره ولست ضد الشهداء انا معهم قلبا وقالبا ولكن اعطونا فرصه لنلتقط انفاسنا
ما ذنب البنات فى بورسعيد لتخطف اليوم ويجدونهم فى اليوم التالى بالسويس وقد ضربوا وسرقوا والله اعلم ما حدث لهم
ما ذنب الطلاب بالمدارس ان يدخلوا اليهم ليقتلوهم ويسقط طالب علم
ما ذنب اسر كامله يصيبها الذعر يوميا خوفا على عائلها عندما يخرج الا يعود
هل تقولون انه ذنب الشرطه انها لا تتواجد بالشكل الكافى فااقول لكم وهل تركتوا الفرصه لاحد
كل يوم تتهمون احدا حتى محمود وجدى والذين قالوا انه كان ضد العادلى وقدم استقالته
قولتوا انه يد العادلى وانه يعذب المساجين بالسجن
الرحمه هى ما جل ما اتمنى اليوم ارحموا شعب مصر ارحموا بنات مصر ارحموا طلابهم
وارحموا شباب يتساقطون كل يوم
اللى لازم يرحل هو تعند افكارنا
اللى لازم يرحل هو عقولنا المتحجره
اللى لازم يرحل الكف عن اتهام كل من يتحدث ضد رايك انه عدوك