اولا ازيكوا وعاملين ايه وكويسين وزى الفل
وعشان مرغيش كتير هنقضيها سلامات بقى:ag:
وبلاش نشتغل مش طريقة دى




ام هند بقى انا جاية ارغى ف ايه ...ف ايه:49:
انتوا هتفضلوا قاعدين ساكتين كدة حد يفكرنى طيب





خلاص محدش يرغى انا افتكرت لوحدى
"ايه البت الرخمة دى" ...هوس ولا نفس:ag:






طبعا من وقت للتانى الواحد مننا بيحتاج حد جنبه .. حد يساعده فى مشكلة مثلا مش قادر يحلها .. ف عمل معين مش عارف ينجزه ..إلخ

فلازم طبعا من باب التعاون والود اننا نساعد بعض وندعم بعض سواء مادياً او معنوياً او فكرياً "حونينين احنا"

وده بيدى احياناً الحق لشخص ما انه يشاركنا همومنا وافكارنا
انه يعرف تفاصيل مشكلتنا وبعض خصوصياتنا عن قرب



لكن احياناً تحت مسمى المساعدة والدعم لبعضنا تتحول المساعدة والتعاون الى وسيلة للتطفل والفضول

ونرجع بعد كدة نشتكى من تدخل الغير فى حياتنا الخاصة ونحتار فى نيتهم دى هل هى المساعدة ولا التطفل والتدخل فى حياتنا



واحيانا احنا نفسنا بنكون حابين نساعد من غير ماحد يطلب مننا المساعدة وممكن متكونش كمان علاقتنا بالشخص المحتاج للمساعدة
متكونش قوية لكن بنحب اننا نساعده من نفسنا



عاوزة اعرف رأيكم

امتى تكون المساعدة تدخل؟؟
وايه الفرق بين الاتنين؟؟

ومع السلام عليكم