السلام عليكم ورحمة الله وبركاته
علي الاعضاء المحترمين
والسلام واجب ايضا علي السادة ضباط امن الدولة(ازيكم يا كلاب) الذين يكتفون الان بمتابعة الاحداث علي المنتديات والفيس بوك مثلهم كمثل ستات البيوت مع الاعتذار لستات البيوت
وانا علي ثقة تامه ان وظيفتهم الان الجلوس امام المنتديات والفيس بوك لمحاوله توقع مصيرهم المجهول بعد فشل كل خططهم لانقاذ نظامهم الساقط

علي فكرة كلاب مش شتيمة بس هما عارفين انهم كلاب
احنا كنا بنادي عليهم في اي مظاهرة كده
(امن الدولة كلاب الدولة)

المهم
لا تصالح مع الداخلية حتي بعد رحيل شفيق ووجدي
هذه ليست دعوي للفوضي لاننا ببساطة مستحيل نعيش من غير شرطة محترمة
لكن شروط التصالح ودي طبعا بعد رحيل شفيق ووجدي لانه امر لا جدال فيه
- حل جهاز امن الدولة ولا يتم تعينهم في الشرطة وتتم محاكمتهم ويترموا في السجون الباقي من عمرهم وبكده هنكون عاملناهم برحمة وشفقة لا يعرفوها وده بالنسبة لجهاز امن الدولة كامل بدون استثناء الشرفاء لان ببساطة مفيش ضابط امن دولة شريف

-محاسبة كل قيادات الداخلية الثابت تورطهم في اي عملية تعذيب وفتح كل الملفات القديمة
حتي ولو اتحاكم 3/4 افراد الشرطة مش مهم الربع النضيف يبقي قيادات
ونعمل دورة مدتها 6 شهور لخريجي الحقوق بعد اجتيازهم الاختبارات المؤهلة (كشف طبي -لياقة-..)
وبتوع حقوق مفيش اكتر منهم
اكيد الموضوع هيكون متعب في الاول بس بعد كده هيبقي عندنا جيل ضباط شرفاء محافظين علي حقوق الانسان ودارسين القانون المصري مش قانون حماية رئيس الجمهورية
المهم ان اللي كانوا بيعملوا كده في اهلنا مفيش مصالحة معاهم
ده فيلم وثائقي عن التعذيب في مصر
حاجه كده عشان قلبنا ميحنش ونقول اخواتنا واهلنا
اكيد في ناس كتير شافته
بس اللي مشافهوش لازم يشوفه
عشان يعرف
وعلي فكرة مش ده اللي كان بيحصل
اللي كان بيحصل اضعاف مضاعفة

الجزء الاول

الجزء الثاني

الجزء الثالث

الجزء الرابع

الجزء الخامس

الجزء السادس

الجزء السابع

الجزء الثامن

الجزء التاسع