قصة واقعية لبنت خالتي
يادي الفضيحة أم جلاجل يادي الجرسة أم حناجل
لو عندكم طفلة زي دي هتعمله
كان التجمع العائلي الاسبوعي ( اصل احنا كل يوم خميس بنتجمع عند تيتة أم ماما ) كل الناس بقي واللي ما يشتري يتفرج جه الاعلان اياه وكالعادة كل واحدة فينا عملت نفسها مش واخدة بالها وقال ايه مشغولة في حوار مع اللي جنبها وفجأة قطع الحوارات صوت جاهوري من سلمي( 4 سنين )
اللي هيه بنت بنت خالتي
المهم بأعلي صوت تملكه سلمي قالت :
( الحقي يا ماما مش ده اللي انتي حطاهفي الدولاب وبتحطيه في هدومك وانتي رايحة الحمام )
طبعا الكل سكت وماحدش حط منطق ولا واحد بقي عارف يتصرف انا عن نفسي حسيت انه اتكب عليا جردل ميا ساقعة او سخنة مش عارفة بس كان احساس غريب راسي بتطلع نااااااااار وجسمي تلج اما بقي المسكينة مامة سلمي فكانت علي وشك الانهيار لأن انا حسيت انها حيغمن عليها طبعا ده ما يمنعش اني كنت ببتهل الي الله ان ماحدش يكون اخد باله :sCh_christianpray3: بس هيهات هيهات لم يتوقف الوضع عند هذا الحد المصيبة الاكبر بقي اني لقيت تيتة ( كبيرة في السن وسمعها تقيل شويتين ) بتقول لسلمي ( ايه يا حبيبة تيتة بتقولي ايه يا ماما ؟؟؟؟؟؟ ) طبعا حبيبة تيتة ردت عليها بنفس الصوت الجاهوري اياه :
( اصل ده بتاع ماما بس بتاع ماما ذيه بالظبط بس لونه ازرق )
( كان الاعلان عن فوط اولويز البمبي ) راحت تيتة بدورها سألت المغفور لها مامة سلمي ( ايه يا مروة سلمي بتتكلم عن ايه مش سامعاها يا بنتي ) اهم شئ بقي في الموضوع السكوت والصمت التام الذي عم ارجاء الصالة كل الناس بتسمع مستنيين اخر الموضوع
هههههههههههههههههههههههههههههه
وكل الاعين علي مروة او المرحومة مروة لانها كانت لا هي حية ولا هي ميتة اصبحت حيطة ( طبعا من غير قصد ) الناس كتر خيرهم ازبهلوا ، تيتة بقي ما تسكتش هااااااااه مروة ؟؟؟ مالك تعبانة يا بنتي ولا ايه ) واخيرا اتفكت عقدة لسان مروة
( لا يا تيتة اص اص اصلي عاوزين نروح علشان محمد في البيت لوحده )

طبعا هي مش مركزة ان محمد اللي هو جوزها مسافر من اليوم اللي قبله هههههههههههههههههههههه وكل اللي في القعدة عارفين ماعدا مروة اللي هي اصلا مش عارفة هي قالت ايه اهي كلمة وتغطي بيها الموقف الزبالة ده وبس والحمد لله تيتة برضه ما سمعتهاش والا كانت تبقي فضيحة وكذبة كمان ههههههههههه وعدت بس بجد انا كل ما افتكر الموضوع ده اسخسخ من الضحك

ودي كانت فضيحة بنت خالتي مع اعلانات الزفت اللي كل البنات عارفاه وبنكسف اوي واحنا بنشتريه من الصيدلية
وده طبعا غير موقف اتعرضتله قبل كده مشابه بس من اخوها
وكانت بقى بخيبتها بعتت اخوها الصيدليه يشترى منها وكتبتله طبعا فى ورقه بس ده من زمان من الفترة اللى طلعت فيها النوع اللى بالاجنحة فالصيدلى تقريبا ساله قول لماما عاوزة اللى بالاجنحة ولا من غير
ابنها بقى فى نص الشارع
يابيرووووووووو بيقولك عاوزة اللى باجنحة ولا اللى من غير طبعا بيرو كانت ماتت اساسا ومردتش ههههههههههههههههههههه

:biggrin23: