كلمات اغنيه محمد فؤاد - بشبه عليك




بشبه عليك
ملامحك من ملامحى
ولونك لونه قمحى
وعيونك فرحانين
بشبه عليك
قولى وفكرنى انتى
انا شوفتك بس امتى
من يوم ولا سنين
يمكن زمايل المدرسة
او دفعتى فى الجيش
خبطت كتافنا يوم فى بعض
واحنا فى طابور العيش
ولا اكلنا فى يوم سوا
اكله سمك فى ابو قير
جايز صليت جنبك فى يوم الجمعة فى الحسين
ولا فى يوم شيلنا العلم فى الاستاد من سنين
ولا لمحتك يوم هنا تصرخ تقول تغيير

بشبه عليك
ملامحك من ملامحى
ولونك لونه قمحى
وعيونك فرحانين
بشبه عليك
قولى وفكرنى انتى
انا شوفتك بس امتى
من يوم ولا سنين
يمكن فى ليلة وقفتلى وانا عطلان على الطريق
سألت عنى فى يوم وانا مخنوق حاسس بضيق
سايبنى ليه محتار كدا ماتقولى تطلع مين
هو انت احمد ولا جرجس ولا صوت ملايين
ولا انت واحد صدره ضاق من الظلم والظالمين
ولا انت باعتك ربنا تاخد بأيد ملايين
بشبه عليك
.. ياللى ضحيت بروحك
ياواحد مننا
وسايب اهلك وناسك علشانا كلنا
ياشهيد انت مكانك فى الجنة موش هنا
كان نفسى بس اقولك
انت مروحتش هدر
دلوقتى صوتنا عالى
وخلاص خوفنا انكسر
بقى فى قلوبنا رحمة
وليللنا فيه قمر
بشبــــــــــــــــه عليك