عارفين ليه البطاطس المحمرة هي الأكلة الوحيدة اللي إجتمع الناس كلهم أو أغلبـهم على حبها ؟!!



1- البطاطس المحمرة لما بتتقلي في الزيت بتبقي عادة مقرمشة من برهـ و طرية من جوهـ .


-عشان كدة لما حد يعمل معاك موقف سخن أوي ماتعملهوش وحش أوي ،
أيوة حاسسهـ إنك زعلان منه و خد موقف ، بس خلي قلبك أبيض و طري "طيب يعني " مش ناشف ، و سامح عشان ربنا بيسامح .



2- البطاطس المحمرة تلاقيها عند ماكدونالدز ( فرينش فرايس) ، و برضه تلاقيها عند بتاع الفول والطعمية .


يعني إنت كمان خليك زي البطاطساية ماتتكبرش على حد وصاحب كل الناس غني أو فقير.



3-البطاطس المحمرة بتتقدم مع حاجات كتير : مايونيز , كاتشب , صلصات مختلفة ، و ساعات كمان طحينة ، بس بتفضل في الأخر اسمها بطااااطس .


يعني مهما اتعرضت لـ ثقافات و بيئات مختلفة احتفظ دايماً بشخصيتك المستقلة و طريقة تربيتك و خلي الناس هي اللي تتأثر بيك .



4-البطاطس برضو ممكن تبقى شيبسي و هي أول حاجة بنفكر فيها لما بنحس بالجوع و احنا برهـ البيت .


ساعد الناس دايما و خليك أول واحد ييجي علي بالهم لما يقعوا في مشكلة خليك جدع زي "الشيبسي" .


5-البطاطس المحمرة لو اتهرست بتبقي برضو طعمها حلو و ممكن نسميها "بطاطس بيوريه" .


مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول "أنا بطاطساية بيوريه"



عشان تبقى محبوب من كل الناس .. خليك بطاطس .