السلام عليكم ورحمه الله وبركاته

موضوع حسيت اني عاوزه اتكلم فيه
اتمني انكم تشركوني

النهاره الصبح صحيت من النوم الساعه 10 علي صوت كتير اوي في الشارع
فتحت البلكونه لقيت حوالي 100 واحد اعدين وواحد بيكتب لهم طلبات
وقعت عيني لقيت واحد عنده مشروع انابيب وماشاء الله عليه موزع كبير
ولقيت واحد تاني عنده سوبر ماركت في مكان جميل وماشي
ولقيت صديقه ليه كانت معايه ايام الدراسه
طبعآ انا دراستي لا جامعيه ولا حاجه يادوب دبلوم تجاره دفعه 95
وصدقتي مجوزه رجل اعمل والله ماشاء الله عليه حالته كويسه جدآ بتعملي ايه هنا
قالت بقدم علي وظيفه
انتي عاوزه تشتغلي قالت اها هما دول كلهم احسن مني
مااغلبهم دبلومات
وبيشتغلوا وعاوزين وظيفه الحكومه علي رئي المثل ان جالك الميري اتمردغ في ترابه
انا استغربت من حالهم
ليه مايسبوش فرصه للشباب الي لسه مافتحوش بيوت ولا عرفوا وظيفه ولا مصدر رزق ليهم
ولا الناس دي عندها طموح وانا لا
والله ياجماعه انا بيني وبينكم اتسغرب هل انا صح ولا هما الي صح
ليه مانقولش الحمد لله ونسيب فرصه لغيرنا
ولا الدوله هاتعين مين ولا مين

اتمني اجد اجابه لاني بتعلم من ناس هنا كتير