تعالى اقولك
بس اقولك انت ايه
احكى لك عن ترابها اللى متستهلش تدوس عليه
ولا اقولك عن تاريخها هحكى فيه انا ايه ولا ايه
ولا اقولك عن طيبه قلوبنا لما نفرح من قلوبنا
ولا اقولك عن حضاره
ولا اقولك عن حياه بدأت عليها من اربع تلاف
سنه
ولا اقولك عن ضحكه صافيه فى عيون ولادها يوم ما يرفرف علمها فوق فى السما
هقولك ايه انا ولا ايه؟؟
انا لو هحكى عنها هحتاج سنين عشان تعرف بس معنى اسمها
دى مصر يابنى
تاريخ وحضاره
طيبه وشهامه
واسم عالى فوق فى السما
لو حكيت عن بلدى هحكى عنها كتير
بس انت ايه انت خاين هحكى لك انت ليه
بس اقولك ليه يا خاين بعتها
ولا انت اصلا مش منها
لو منها هتخاف عليها
هتعرف قيمتها وليه العدو خاف منها
لو منها هتجرى جواك طيبتها
ودموعك تهون ولا يوم تهز اسمها
دى مصر غاليه ومن غلاها ذكرها ربى
ومن ذكرها كان الامان لاهلها
دى مصر طاهره مر عليها يوسف وموسى وعيسى والعذراء مريم
دى مصر يابنى وصى عليها محمد
الف صلاه وسلام عليهم آجمعين
ده الغدر مش من طبعنا دى قال عليها ربنا
(أدخلوها بسلام آمنين)
وانت مين علمك الغدر ده ....
اه افتكرت انت اصلا مش مننا
بس حتى لو مش مننا
شوفت ايه منها علمك كرهها
خايف منها عشان كده كرهتها
ولا طمعك فيها خلاك عايز تهدها
ولا مصلحتك مع حد خايف منها
بتحكم عليك تنشر الفساد على ارضها
بس اقولك
مصر زى اهرمتنا
شامخه الالاف السنين
وهتفضل شامخه ليوم الدين

دى كانت رساله لكل شخص او دوله
افتكرت ان مصر بتنتهى
مكنوش يعرفوا ان مصر بتبتدى بايد ولادها


بقلمى

يااريت اللى ينقلها اى موقع تانى يكتب منقول