-- قرار الثوار الموافقة علي مسيرة جمعة رد الجميل
الناس اللي طالعة يوم الجمعة عشان تشكر الريس ومسمينها جمعة رد الجميل
قررت الثورة المصرية السماح لهم بالتظاهر السلمي ولكن بشروط وذلك فقط للحفاظ علي سلامتهم وامنهم وسلامتهم ومنع الاجندات الاجنبية وكنتاكي
لذا نرجو الالتزام بالشروط التاليه :
1-اي متظاهر عايز يروح ييجي ياخد اذن الاول:ranting:
2- ممنوع التجمع في اي حته قبل المظاهرة او بعد المظاهرة يعني لو شوفتك ماسك صورة الريس وواقف قدام كشك بتشرب بيبسي:drinks_pepsi: هاجيبك من قفاك وهعتقلك ومعايا قانون طواريء يا حبيبي:ranting_w:
3-الابتعاد عن الميادين العامة والطرق ومنطقة وسط البلد وامام النقابات من الاخر مش عايز اشوفك في شارع عمومي يستحسن تكون المظاهرة من عند سفاري لغايه كارته مصر اسكندرية الصحراويlane:
4-وقت المظاهرة لا يزيد عن 15 دقيقة وانت حر لو طولت هتضرب بالعصيان علي دماغك وهرمي عليك قنابل مسيلة للدموع لما هعميك ولو عملت بطل هضربك برصاص حي:vinsent:
وهسيب عليك حصنه وحمير ينهقوا في وشك ومعيز تنطح فيك وبلطجية يحدفوك بقنابل البلوتوث
5- اخر حاجة الجمعه الجاية اجازة
نشكر السادة المواطنين علي تعاونهم معنا في تطبيق القانون
واللي هينزل من بيته هنطلع عينه
مع تحيات ثوار 25 يناير:captain:
هو ده اللي كان بيتعمل فينا ايام مبارك ولا نسيتوا
رسالتي دي مش هزار ولا ضحك
قد ما انا نفسي اوصل رسالة للناس المحترمة اللي في القهوة واللي براها اللي كانت بتدافع عن الرئيس برقبتها وكانت بتعمله مواضيع عن انجازاته هو وابنه
اللي كانوا مسمينه مفجر ثورة التغير
اهي الثورة انفجرت في وشه نفعتوه بحاجه
اعوذ بالله من الشماته
بس انتم اللي عملتم في مبارك كده بنفاقكم وغشكم
انتم واللي زيكم كنتم بتستفذوا الشباب علي الانترنت مقابل وظيفة في اللجنة الالكترونية للحزب الوطني وكلنا عارفين اللي فيها
برغم كرهي لمبارك الا انه صعبان عليا اللي عملتوه فيه بتضليلكم ليه هو وابنه
وفي النهايه لكم من الله ما تستحقوا
ملحوظه :الموضوع لا يقصد به اي شخص بعينه ولا بايده ولا برجله
واللي علي راسه بطحه
المفضلات