سألت يا ناس البحر جنية
جوا في قلب البحر مخفية
سألت حبيبها بكل حنية
سؤالها شعر في أغنية
سألت واستنت الإجابة
ردت عليها الموجة بغرابة
تحس معاها لحظة بطيابة
وتحس معاها لحظة بقرابة
قالت إن كنت البحر فأنا العروس
وعمر الحبيب على قلب الحبيب ما يدوس
ولا أنت يا قلب بين القلوب منحوس
لسانك ما بين المحبين مخروس
بصت عروس البحر من البحر للسما
تقول يا ما هويت البحر وقلبي اترما
معقول يخونى البحر كل يوم ويحضن الشمس
فيه تغرب وتحضنه قدام عيون الناس
معقول يا ناس يكون ده الإخلاص
برضو برغم كل القصص
تفضل عروس البحر أجمل عروس
تفضل ما بين الناس أغلى النفوس