بسم الله الرحمن الرحيم

يارب يكون كل اعضاء المنتدى بخير





ندخل في الموضوع علطول **انت معانا ولا مع الناس التانيين**

لا انا معاكم ** بس أحنا بقة الناس التانيين**

دي طريقة غالبية الحوار اللى بيحصل دلوقتي "هل انت مع أو ضد رحيل مبـــــارك؟"

دا السؤال اللى بيطلع زى "عفريت العلبة" لأي شخص يحتك بإى شخص

لا والغريبة كمان ان بإجابة السؤال دا بقينا قادرين نحكم على مين فينا كداب وخاين ومن فينا وطني على إساس ان رأيه وافق رأيي ولا لأة..

وبقينا كمان بنتهمهم اللى قدامنا انه مش بيفهم في السياسة

بس متهيألي ياجماعة إن الأوضاع اللى أحنا فيها مش يهم دا فاهم ولا دارس

يهم بس انه يكون مصري وخايف على بلدة

لإن دى حياته ولا يختارها زى ما انت هتختارها



انا واحدة من الناس عمري ماكنت باجي ناحية السياسة غير لما اقف في طابور الكلية اللى عامل زى طابور العيش عشان اخد مكافأة التفوق من الكليه اللى كانت مبلغ بسيط جدا جدا

بس دلوقتى لازم اطلع اللى جوايا

أولا انا مش مع ولا ضد مبارك

انا واحدة من الناس الذي لم يصل إليه بطش النظام

بس بردو اعرف ناس كتير اتظلموا في ظل النظام دا

وطبعا في ناس كتير ماتت وهى بتحاول تدافع عن حقنا

المسلوب من 30 سنة

بس اييييييييييييييييييه بقي؟؟

مش كفاية كدا؟؟؟

سامعه حد بيقولى: كفاية اييييييه لازم ناخد كل مطالبنا وناخد بتار اخواتنا اللى ماتوا!!!!!!!!!

طيب حضرتك ..

فكرت في الناس اللى إتحرمت من الغسيل الكلوي وبتموت دلوقتي؟؟

فكرت في العامل اللى بياخد يوميته كل يوم ودلوقتي مش لاقي ياكل؟؟

فكرت ان في بعض من الناس مبقتش بتطلع زكاة عشان خايفه من الأيام الجاية في ظل الظروف دي؟؟

فكرت في الناس اللى محلاتها اتكسرت وبيوتها اتخربت؟؟؟

فكرت في الناس اللى محتاجة تاخد حقن فيرس سي الغالية جدا؟؟؟

فكرت كام واحد ربنا نعم عليه بشغل وعايش بيه .. دلوقتي اضطر يمد ايدة للناس؟؟؟

فكرت كام واحد اتحول لحرامي ومجرم بعد ما يأس انه ممكن يدبر امرة اليومين دول؟؟

وطبعا مع اختفاء الأمن فرصته كبيرة انه يبقي حاجة في عالم الجريمة
خصوصا ان اللى بيروح قسم الشرطة لانه مسروق دلوقتي بيقولوله استعوض ربنا ... كبر دماغك.. مفيش شرطة

طيب بلاش كل دا

عارف ظاهرة اطفال الشوارع اللى كانوا بيشحتوا دلوقتى الحمد لله مبقوش اطفال شوارع بقوا مجرمين شوارع .. كل واحد خد سلاح وقرر ينتقم من المجتمع اللى وصله انه يبقى كدا..!!!!!



هتقولولي يعنى دا كلو السبب فيه هو المظاهرات؟؟؟

لا السبب فيه اننا ماداناش فرصه لإلتقاط الأنفاس والتفكير في المرحلة الجاية

واعدين في الميدان ومش مهم اى حاجة المهم الريس يمشي

بجد ياجماعه في ناس من كتر ما الموضوع أثر في حياتها واهلها معرضيين للموت كرهت الثورة وكرهت نفسها

بلاش نحمل الناس اكبر من طاقتها

والتغيير قادم مادام احنا نفسنا اتغيرنا وبعدنا عن السلبية والإستكانة

"إن الله لايغير مابقوم حتى يغيروا مابأنفسهم"

صدق الله العظيم


انتو فاكرين لومشى هيمشوا ... لا هيعتصوا تانى ..محاكمة...وتالت المحاكمة مش عجبانا ..ورابع نائب الرئيس شكلة وحش مش وسيم صوتة يخوف .. هووو اية ..لو هما ما عندهمش عقل ومش خايفين على البلد نخاف احنا عليها .. ياجماعة الدول الخارجية مستنية شرارة بين الشعب والجيش علشان تدخل والجيش منشغل بالامن الداخلى .. ياريت تفهموا قصد كل واحد بيقول كفاية .. مش حكاية مؤيد ولا معارض ..
والناس الشهداء .. مش دول ضحوا علشان مصر تتغير و ولادهم يعيشوا فى خير .. واهى اتغيرت..ولا اية؟؟


بعد كدة اسرائيل وامريكا هى اللى هتدبح فينا



في رعاية الله