مصر وحشتنى اوى والله
اه والله حاسه ان انا نمت يوم 24 ومصحتش لغايه دلوقتى
بحلم حلم مزعج او جميل حتى بس عايزه افوق منه
نفسى انزل الشارع واروح فى اى مكان باامان وارجع بيتنا
نفسى الناس اللى ماتوا دول اصحى الاقيهم عايشين
نفسى كمان الاقى الاماكن اللى اتحرقت متحرقتش
والناس ماشيه فى الشارع عادى واللى امتحانتهم اتاجلت تكمل
نفسى الناس ترجع روحها حلوه وقادره تضحك ومتكونش المراره ساكنه جواها
بعيدا عن انى مؤيده لاى حاجه ولا معارضه فى اى حاجه نفسى اصحى من الحلم ده
مصر وحشتنى مصر ما قبل 25 والله وحشتنى بجد حسيت دلوقتى انى حبيتها
نفسى اشم هوا البحر وامشى عليه شويه واتنفس براحتى
نفسى بكره اصحى من النوم والاقيه كان حلم ولا كابوس والله ما بقيت عارفه
هو انتوا مصر موحشتكوش؟؟؟؟؟؟