هيرحل ..........................هيرحل
لو مش النهاردة هيبقي بكرة
ماهو لابد عن يوم محتوم تترد فيه المظالم
ابيض علي كل مظلوم واسود علي كل ظالم
بس عندي امنية اتمني ان ربنا يحققهالي
وهو ماشي ياخد في ايده الحزب الوطني بقياداته و اعضائه ونشطائه علي الانترنت
والمطبلاتيه بتوعه :110:زهقنا منهم بقي وانا شخصيا بقي عندي منهم اشمئزاز
عايزين نبدأ نصلح بلدنا بقي
مبروك يا مصريين
احنا كتبتنا التاريخ بايدينا والله
وانا شخصيا هحكي لاولادي علي اللي احنا عملناه من يوم 25 يناير
وهقولهم ان كان في ابطال اتولدوا في عصر رجل ظالم
حبوا يغيروا الاوضاع اتجمعوا علي الفيس بوك
والكل ضحك عليهم وقال دول شوية عيال ولا ليهم لازمة
وفي اقل من شهر قضوا علي الظلم والظالم
واستشهد منهم اكثر من 300 شهيد دفعوا من دمائهم ثمن لحرية بلدهم وحرية ولادهم بعدهم
انا فخور باللي احنا عملناه وكمان شايف اني جزء من اللي عملناه ودي في حد ذاتها فرحة غريبه واحساس جميل انك تحس انك بطل



يلا سلام بقي عشان انزل احتفل بخبر التنحي مع الابطال
:bye: