مش لاقى كلمة توفيكى
احبك وحبى غير عادى * وفوق معنى كلام الحب
مهما وصفت ف ودادى * ولو هاكتب بنبض القلب
ليالى عشقى ومرادى * يتوه فيها الحكيم والطب
يانسمة وبسمة ، يا أحلى غنوة وحكاية
يافرحة لقلبى ،ياحبى ، يابداية بلا نهاية
بتخذلنى حروف أشعارى فى رموشك
ويقف النبض والاحساس بيسلم الراية
بحثت فى قاموس العشق عن معنى يساويكى
لقيت اللغة عاجزة عن وصفك أو قاموس يوفيكى
تتوه منى حروف اشعارى واوصافها تدوب فيكى
مش لاقى ولا كلمة ولا معانى ارسمها تحكيكى
ياللى هواكى هو احلامى
رمش عينك احلى انغامى
وشعاع أنوارك فرح ايامى
نظرة رضاكى هى الهامى
دورت فى حروف الكلام عن كلمة وعن تعبير
لقيت اسمك ورمش عينيكى هم احلى عبير
يالى حتى من حبى من أشعارى لكى باغير
وباداريكى واخبيكى واحميكى وقلبى أسير
واليكى انا باعلنها هنا استسلام
كل كلمة وحرف ف حروف الكلام
ياللى حبك حلم ووهم ف الاحلام
مش ذنب اللغة انك نغمة الأنغام
انا قبلك كنت اشعارى تهيم بيها ،دواوين العشق والأشواق
لكنى ف نظرة لرموشك لقيت الكلام عاجز ما بين لقا وفراق
وحتى ويا احلامك ، فى منامى وحتى ف منامك انا مشتاق
باحبك يا عبير الشوق يارقة وذوق يا اسطورة ورمز للعشاق
آهات شوقى للرموش والعين مفيش اوصاف لإحساسى
ياللى كل لحظة من حياتى تفوت بافكر فيك ومش ناسى
ولو قلبك نسينى فى يوم تتوه منى الحروف وانا باقاسى
ينسانى الكلام واتوه وانا عايشك وباخبيكى جوه أنفاسى
هاكتب إليكى موالى
وانا مهما قالوا عزالى
ياللى ساكنة بخيالى
فيكى حلى وترحالى
رد مع اقتباس
رد: مش لاقى كلمة توفيكى
المفضلات