مصرى وليا الشرف

[اسامة22]

نفسى من زمان اكتب واتكلم بس للاسف قلمى اتكسر وبقى بينزف ويتألم

و لما فكر مره يشكى فضفض و قعد يبكى

يا دنيا ممكن تروقى علشان خاطرى وخاطر اصحابى
لو خاطرى عندك غالى متضيعنيش وتضيعى احلامى

صاحب عمرى هو حالى تعبان روحت اشوفه لقيته طقهان

قولتله فضفض وزيح همومك حزنك طلع من عينيك و وصل لجفونك

قالى انا هقولك بس مفيش حل لا عندى ولا عندك

حبيت مرة اهاجر لزمن غير الزمن لقيت بره الزمن فيكى دايب

قولت العيب مش فيكى و لا العيب على الزمن ده انتم الاتنين حبايب

ازاى فكرت اهاجر و اطلب العطف من الدنيا وانا اصلاً عايش فى مصر ام الدنيا

يبقى العيب مش فيكى يا دنيا العيب فى مصر اللى معرفتش تربى دنيا

قولت اشتكى بلدى لان مصرهى بلدى طب اشتكيها لمين فقررت اطلع بره بلدى

قولت اروح بلد جديده فكرت اللاقى عز و خيرات عديدة

ولما رحت لقيت الدنيا هى الدنيا لكن لقيت فى فرق فى حاجة تانيه

فقررت اقارن مقارنة و بتتلخص فى ثانيه

ايه اللى مش فى بلدى و فى البلد الجديدة ؟

الفرق انى كنت فى بلدى مش لاقى خيرات شاليهات و عربيات

اما هنا فى كل شئ يخطر ببالك من الملذات

لكن اهم شئ اللى لقيته وشدنى من اول ما جيت

الناس يا صاحبى كل واحد فى حاله قافل على نفسه هو و عياله

وانا هناك بطولى فمرة تعبت و عييت

ملقتش زيك صاحب يساعدنى و لو حتى بكباية زيت

متقولش انا نكرة او فى عالم معندهمش عن الرحمة ايتها فكرة

فقررت فى لحظة انى انهى المقارنة

بلدى اينعم ساعات بتقسى علينا لكن طول عمرها سند لينا

شعبها شعب طيب ملهوش فى الملذات لكن بجدعنته يبقى من اجمل الخيرات

قررت انسى الهجرة و اعيش وسط اهلى و ملعون ابو الغربه

رسولنا الكريم وصى على سابع جار فمبالك فى بره الجار ميعرفش اسم الجار

يبقى الحمدلله انى مصرى و عايش فى بلدى و محفوظة كرمتى

كرمتى فى امان بس العيب فى حكومة بلدى هى اللى معيشانا فى اوهام

خليتنا نكره بلدنا و نفسنا نهج و نطفش و نغير حالنا

حالنا ده تغييره بإدينا مهما نهرب هنلاقى الزمن قاسى علينا

شعبنا مفيش اجمل منه و قت الزنقة بيتحد و الجدعنة بتطلع منه

يبقى لازم تغيير نصرخ ونقول عايزين حرية للتعبير

هنفضل فيكى نموت او نعيش كله فدى ليكى

هنقول بعلو الصوت مصر غليا علينا ولو وصلت لسجن و موت

هنموت بشرفنا فى سبيل تغيير حالنا

يا رب افرجها علينا اقسم بالله بلدنا حبها بيجرى فينا

دمنا مصرى و شكلنا مصرى و جنسيتنا اكيد مصرى

مصرى وليا الشرف و حكومتنا جتها القرف

و هى دى حكايتى معاكى يا دنيا مهما نعيش فيكى بنتتعلم حاجات تانيه

[خلود]

,ومن زمان بنفتخر بمصريتنا يااسامه بس كان فيه قهر كبير اوى كابس على نفس كل الناس

وتدور على جيران ليه وجيرانك هنا اخواتك اللى نزلوا دافعوا عن الستات والاولاد والبيوت

ووقفوا اجمل وقفه فى وش الخراب والسرقه والنهب والسلب

بلدى وان جارت على عزيزه وهتفضل غاليه وكبيره اوى وعظيمه بفضل شبابها احلى شباب