السلام عليكم

انا مش عارف ابداء الموضوع منين انا هقول اللى عرفتة وسمعتة واقتعنت بيه

لما الاقى قبل مننا تونس والجزائر والسودان وبعدين احنا ومن بعد مننا اليمن وسوريا والبحرين والله اعلم فين تانى
محدش يقولى ان دية فوقة ولا صحوة كلنا صحيناها مرة وحدة

ياريت نفوق ونعرف ان اللى بيحصل دة عمرة ما هيبقا فى صالحنا
لما بلاد العرب تتدمر كدة كلها فى وقت واحد والخراب يحل على الكل دة عمرة ما يبقا بعدية خير ابداّ

نعرف مين المستفاد من اللى بيحصل دة
مين اللى محشور فى كل مشكلة وبيشعللها اكتر مش عايز يهديها
والتدخل الاجنبى اللى شوشنا ومبقناش عارفين هما فى صف مين ولا عايزين اية

اكيد لما ايران وامريكا يتفقو على اسقاط الرئيس والنظام
دول مش عشان مصلحتنا ولا لمصلحة الشعب ولا انهم خايفين على الشباب اللى فى التحرير زى ما بيقولو ولا حقناّ للدماء

ولا هما فى الوقت دة بس احنا عايزين نصدق انهم خايفين على مصالحنا

لو مات فى المظاهرات 300 فرد
كان فى العراق وفلسطين بيموتو بالالفات كل يوم
ومحدش بيتدخل ولا حقوق انسان ولا دعم امريكى



انا بجد بريئ من اللى بيحصل دة
ودم المتظاهرين ودم العساكر والظباط اللى غرق الشوارع وكلنا حللناه حسب مزاجنا

والمنشاءات اللى بملايين اللى اتحرقت واتسرقت ولحد دلوقتى انا مش عارف اية السبب
ما الاماكن دية هتنفعنا حتى لو الحكومة كلها اسقطت
لاكن هو المقصود بيه الخراب وبس
واحنا برضوة مش عايزين نفوق ولا نفهم


وبجد ربنا يسامحنى لو خرج منى اى كلمة فى اليومين اللى دخلت فيهم نت دول
وبجد مش ناوي اتكلم تانى لحد ما الازمة دية تعدى ان شاء الله على خير
مش شرط يعنى امشى زى اللى ماشيين بمقولة

" انا اجعجع اذاّ انا موجود "

لاء انا هتقى ربنا فى بلدى اولاّ وفى نفسى وفى اى حد ممكن يقرأ كلامى


 المهم
الكلام اللى اقتنعت بيه بقا
واللى مش بجبر حد على الاقتناع بيه
والله كل واحد هيتحاسب على نفسة وبس
وانا معنديش اى استعداد لااى مناقشة غبيه فى الوقت الحالى لان كل الاطراف متعصبة ومفيش اى نتيجة لااى كلام

بس اللهم بلغت


اولا

رسالة الشيخ محمد حسان فى ثورة 25 يناير ولحكام العرب



ثانياّ

 حكم الخروج يوم ثورة 25 يناير 2011 الشيخ مصطفي العدوي





ثالثاّ

الشيخ أبو إسحاق الحويني و الخروج على الحكام

وفيه كتير اتكلمو زى الشيخ فرحات والشيخ محمود المصرى بس مش لاقيه الفيديوهات




دة غير الاحاديث

عن أبي هريرة رضي الله عنه عن النبي صلى الله عليه وسلم أنه قال: سيأتي على الناس زمان سنوات خداعات: يصدق فيها الكاذب ويكذب فيها الصادق، ويؤتمن فيها الخائن ويخون فيها الأمين، وينطق فيها الرويبضة. قيل يا رسول الله وما الرويبضة؟ قال: الرجل التافه ينطق في أمر العامة





قال رسول الله ‏ ‏صلى الله عليه وسلم ‏ ‏إنها ستكون ‏ ‏فتنة ‏ ‏المضطجع فيها خير من الجالس والجالس خير من القائم والقائم فيها خير من الماشي والماشي خير من الساعي قال فقال رجل يا رسول الله فما تأمرني قال من كانت له إبل فليلحق بإبله ومن كانت له غنم ‏ ‏فليلحق بغنمه ومن كانت له أرض فليلحق بأرضه ومن لم يكن له شيء فليعمد إلى سيفه فليضرب بحده صخرة ثم لينج إن استطاع النجاة ثم لينج إن استطاع النجاة


والله انا خايف من اللى بيحصل وان الكلمة فى الوقت اللى زى دة هتتحسب علينا
وهنتحاسب عليها وربنا يعفينا ويبعدنا عن شر الفتن





ارحمو مصر