بسم الله الرحمن الرحيم


السلام عليكم ورحمة الله وبركاته








طبعا كلنا عايزين تقدم بلدنا وعايزين المجتمع بتعنا يزدهر وبنقول مين يا ترى اللى هيصلح وكل ما ينطلب مننا حاجه نقول يعنى انا اللى هصلح الكون ليه لا طب ابدا بنفسك كده انت تبدأ وانتى تبدأى وانا ابدا هنلاقى الكل بدأ والحكايه سهله خالص هنصلح الكون بنفسنا ازاى وليه محدش يسال



اولا طبعا هنراعى ربنا فى كل اللى بنعمله




يعنى مثلا احنا فى مصر نلاقى الذباله مرميه فى كل حته واحنا نقعد نقول كل البلاد انضفغ مننا ومصر الوحيده اللى تلاقيها وسخه رغم انها ام الدنيه ليه طب مفكرتش انك لو انت قلت طب انا هبدأ وتمنع نفسك من انك ترمى حاجه فى الشارع وترميها فى سله المهملات وحتى لو مش لقتها حط فى الشنطه خلى الورقه فى ايدك لغايت ما تروح وارميها فى الذباله الناس هتشوفك هتعمل كده هتقلدك وده يقلد ده ومصر تبقى نظيفه وكله تمام التمام وعال العال مش تياس وتقول ده مش هيحصل ابدا ايه ضمنك





مثلا البلاد التانيه متقدمه ليه هى احسن مننا فى اى حاجه لا بس هما بيفكروا وبيقولوا الامل هو طريق النجاح ليه احنا نياس ليه مش نحاول نتقدم الناس اللى هناك يفرقوا عنك باه هما كويسن واحنا وحشين لا طبعا ده احنا احسن منهم كمان بس احنا مجمدين مخنا ومستنين اللى يجى يساعدنا ويعمل الشغل كله واحنا نتفرج ليه مش نعمل احنا ونخلى مجتمعنا احنا اللى نصلحه مش الناس اللى تصلحهلنا





يعنى مثلا انت طالب هتصلح الكون ازاى مين هيسمع كلامك لو نصحته هقلك انا بقى يا عم ازاى تدخل كده وتذاكرلك كلمتين ينفعوك وتبقى حاجه كبيره فى المجتمع وتفيد المجتمع باختراعات وبمعلوماتك وبثقافتك سعتها هتكون حاجه كبيره والناس هتسمع كلامك لو قلتلهم محدش يعمل كذا لانه وحش هيثقوا فيك ولو قلت اعملوا كذا علشان حلو هيعملوه مش تيجى كده وانت متعرفش حاجه وتفتى اتعلم وبعد كده فيد الناس وقبل كل ده لازم تكون واثق ميه فى الميه انك تقدر تصلح الكون





انت موظف بسيط تعمل ايه علشان مصرتتقدم تجتهد فى شغلك وعملك وتخلص فيه وشم تقبل اى رشوه او ما شابه وكده ممكن تترقى وتبقى احسن وتفيد الناس اكتر




انت طبيب تفيد الناس تعالجهم ومش لازم الطمع اللى منتشر الايام دى شوف انت اللى قدامك مقدرته ايه وخد على قده ولو واحد فقير اوى وتعبان ليه مش تعالجه ببلاش ده كنت انت الناس هتحبك وهتاخد حسنات كتير وكمان هتشتهر بطيبه قلبك



انت مهندس تخلص فى عملك مش تكروت وخلاص واللى بعده لا لازم اللى يجيلك يبقى بالتمام والكمان مش تسيب حاجه ناقصه علشان مثلا لو بتبنى حاجه تطلع كويسه وتمام التمام




انت واحد ليك شأن كبير فى الدوله ومش همك حد ليه طب متساعد الناس اللى محتاجه مساعده امر لناس الامر الصح واغصبهم عن انهم يبعدوا عن الغلط وهموا هيسمعوك وهينفذوا كلامك




انت تاجر مش تغش الناس فى التجاره خد المربح على قدك مش مثلا الحجاه تبقى ب جنيه تبعها بعشره ده لمصلحتك انت اولا وثانيه هتبقى تاجر مشهور ومحبوب




وفى عندنا مثل بيقول حب ما تعمل حتى تعمل ما تحب احنا بردوا لازم نحب مكنا وشغلنا علشان يبقى فى تقدم اكتر لانك لو حبات شغلك هتبدع فيه وده لمصلحتك ولمصلحه الجميع ايه ضمنك انك لو مش اشتغلت الحاجه اللى بتحبها يبقى خلاص الدنيا انتهت لا جر يمكن شغلك ده يخليك توصل للحاجه اللى بتحبها بالتدريج




انت وانت وانت كلكم لكم وظيفه فى تقدم المجتمع جرب كده وهتلاقى المجتمع بدا يتصلح من حولك الحيطه مش هتبقى كويسه لو الطوب مش كويس والاسمنت واحنا كمان علشان مصر تبقى كويسه لازم احنا كمان نبقى كويسين ومش مصر بس لكل بلاد العالم كله اتنوا بردوا اتقدموا نحن نحب التقدم للجميع



فلو الواحد بدأ بنفسه الكون هيتغير فعلا وهيبقى احسن بكتيييييييييييييير فعلا الحكايه دى مهمه جدا ولازم كلنا ننفذها من اصغر واحد فينا لاكبر واحد فينا




اتمنى ان الموضوع ينال اعجابكم

فى امان الله