.gif){kind=icon}
الى شهداء 25 يناير
الى شهداء 25 يناير
******************
ذنبك ايه تموت شهيد
عشان ميموتش حلمى الوليد
ان ابنى و ابنك يعيش سعيد
ويحلموا كل يوم حلم جديد
ذنبى انى مصرى و المصرية فى دمى
ذنبى انى مصرى و مصر هيه امى
******************
ومش مهم لو هاموت شهيد
المهم ميمتوش الحلم الوليد
بحلم بفجر جديد يهل هلاله علينا
بحلم بليلة عيد نغير فيها حكوينا
بحلم ان انا و انت كتبنا على الكلام اسماينا
مش فورمة نكتبها و نخبيها على بعضينا
********************
ومش مهم لو هاموت شهيد
المهم ميمتوش الحلم الوليد
متقلش انا خايف الخوف ملوش لازمة
وكفاية سنين احلامنا مهروسة بالجزمة
خد قرارك قول انا عازم وقولى انا عازمة
**********************
ومش مهم لو هاموت شهيد
المهم ميمتوش الحلم الوليد
الحلم الكبيرهو التغير
هو حريه الراى و التعبير
مش بالتهليل و لا التصفير
بالتضحيات وحتى لوكانت كتير
************************
ومش مهم لو هاموت شهيد
المهم ميمتوش الحلم الوليد
اهم حاجة نحط فى بالنا
دى بلدنا و بلد عيالنا
مفيش حد يكسر مفيش حد يجرب
مفيش حد يهدم مفيش حد يخرب
دى اول مسئوليتنا محدش منها يتهرب
************************
ومش مهم لو هاموت شهيد
المهم ميمتوش الحلم الوليد
لو عاوز صوتك يوصل خليها سلمية
ومدتيش ابدا فرصة للهمج و الحرامية
خلينا نقول باعلى صوت
احلامنا مش هاتموت
والوقت مش هايفوت
فى الصمت و السكوت
*************************
ومش مهم لو هاموت شهيد
المهم ميمتوش الحلم الوليد
رد مع اقتباس
رد: الى شهداء 25 يناير
المفضلات